Հայաստանի ներկայացուցիչը միջազգային մրցույթից վերադառնում է Գրան պրիով

Ղազախստանի Հանրապետության Ալմա-Աթա քաղաքում կայացել է պատանի կատարողների ամենամյա «Բոստորգայի» 20-րդ միջազգային մրցույթը։ Հոբելյանական միջազգային մրցույթում այս տարի Հայաստանը ներկայացրել է Երեւանի Շառլ Ազնավուրի անվան մշակույթի եւ արվեստի պետական քոլեջի «Երգեցողություն» մասնագիտության 1-ին կուրսի ուսանողուհի ՍՈՒՍԱՆՆԱ ՊՈՂՈՍՅԱՆԸ:

«Բոստորգայի» 20-րդ մրցույթում հանդես են եկել աշխարհի 7 երկրներից մոտ 300 մասնակից, այդ թվում` խմբեր եւ անհատներ։ Հայաստանի պատվիրակ Սուսաննա Պողոսյանն առաջին մրցութային օրը կատարել է Արամ Ավագյանի եւ Սրբուհի Ստամբոլցյանի հեղինակած «Հայաստան աշխարհ» երգը։ Իսկ երկրորդ օրը` Քրիստինա Ագիլերայի «Hurt» երգը։ 

Ժյուրիի առավելագույն միավորներ վաստակելով` նա արժանացել է «Բոստորգայի» 20-րդ  միջազգային մրցույթի գլխավոր մրցանակին` Գրան Պրիին։ 

Ի դեպ, միջազգային մրցույթի ժյուրիի կազմում է եղել նաեւ Ազնավուր քոլեջի «Երաժշտության» ամբիոնի վարիչ, երգիչ Տիգրան Հայորդին։ Հայաստանի պատվիրակությունը մի քանի օրից Հայաստան կվերադառնա պատվավոր մրցանակով։

Այս թեմայով Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան Մահացել է բալետի արտիստ Սերյոժա Պետրոսյանը Պառլամենտական ընդդիմությունը ձայն չի հանելու կամ մարմնաշարժություններ է անելու`իբր դեմ է․ Պետրոսյան ՀՀ-ում պետք է ստեղծվի նոր քաղաքական էլիտա, որը կփոխի համակարգը. Վազգեն Պետրոսյան Ներքին ագրեսիայով չի կարելի հասնել խաղաղության․ կայացավ «Մնա» ներկայացման առաջնախաղը