«Ոսկե ծիրանի» Ժյուրիի կազմում է իրաքցի գրող, ակտիվիստ Միրզա Դինային

Երեւանյան «Ոսկե ծիրան» կինոփառատոնի տարածաշրջանային մրցութային ծրագրի ժյուրիի կազմում է իրաքցի գրող, եզդի իրավապաշտպան եեւ ակտիվիստ Միրզա Դինային։

Կինոփառատոնի ֆեյսբուքյան էջը հայտնում է, որ  «Օդային կամուրջ Իրաք» կազմակերպության համահիմնադիր եւ տնօրեն Միրզա Դինային իր ամբողջ կյանքը նվիրել է իրաքյան պատերազմից տուժած մարդկանց փրկելու գործին՝ տեղափոխելով կանանց եւ երեխաներին «Իսլամական պետություն» ահաբեկչական խմբավորման վերահսկողության տակ գտնվող տարածքներից:

Սադդամ Հուսեյնի իշխանությունից հետո Դինային աշխատել է որպես Իրաքի նախագահ Ջալյալ Թալաբանիի խորհրդատու և Իրաքում փոքրամասնությունների և իրավունքների հարցերով կառավարության ներկայացուցիչ:

2014 թվականի օգոստոսի 12-ին Մի-7 ուղղաթիռը, որում գտնվում էր Դինային, վթարի ենթարկվեց վերելքից մի քանի րոպե անց։ Կոտրված ոտքով և կողոսկրերով Միրզա Դինային ողջ մնաց և տեղափոխվեց Գերմանիա։

Կարճ ժամանակ անց, անվասայլակով, նա վերադարձավ Իրաք՝ այցելելու Խանքեի փրկարարական ճամբար:

2019 թ. հոկտեմբերի 19-ին Երևանում Միրզա Դինային դարձավ «Ավրորա» մարդասիրական մրցանակի դափնեկիր:

https://style.news.am/arm/news/90821/oske-tsirani-zhyurii-kazmum-e-iraqci-grox-aktivist-mirza-dinayin.html

Այս թեմայով Եթե հայկական ծիրանը նկարում են Էյֆելյան աշտարակի մոտ, չի նշանակում, որ այդ ապրանքը մտավ Ֆրանսիա Թռիչքի ժամանակ. օգոստոսի 20-ից սկսած այս մարդիկ կսկսեն հարստանալ. Ոսկե Հրեշտակը կցույց տա փողի ճանապարհը «Ոսկե գնդակի» ֆավորիտների ցուցակը.The Independent Եվրnպացիները ցանկանում է տեսնել Զելենսկիին ոսկե զուգարանակոնքով` եվրոյի վրա ՀՀ-ից Իսպանիա ծիրան դեռ չի արտահանվել. Էկոնոմիկայի փոխնախարարը՝ համացանցում քննարկումների մասին