Քյաշից՝ անկանխիկ․ Մարտահրավե՞ր է, թե ստվերի կրճատում․ Մեկնաբանում է տնտեսագիտության դոկտոր-պրոֆեսորը

ՀՀ կենտրոնական բանկը  հունվարի մեկից նախատեսում է տարեցտարի կրճատել կանխիկ գործարքների շրջանառությունը։ Առևտրի և ծառայության սուբյեկտները Ֆիզիկական անձանց համար նույնպես սահմանափակումներ են նախատեսված՝ 300 հազար դրամից թանկ արժեք ունեցող ապրանքը հնարավոր կլինի ձեռք բերել միայն անկանխիկ եղանակով։ 

Մարտահրավե՞ր է արդյոք անկանխիկ գործարքների պահանջի ավելացումը, թե ստվերի կրճատում հարցի պատասխանը եւ ոչ միայն փորձել ենք ստանալ տնտեսագիտության դոկտոր, պրոֆեսոր Թաթուլ Մանասերյանից, ով նկատեց․

-Անկանխիկ գործարքների տեսակարար կշիռը բարձանում է, ընդ որում ոչ միայն զարգացած երկրներում, անգամ Չինաստանում Դուք հազվադեպ կտեսնեք , որ 100 դոլորը գերազանցող գումար մարդիկ իրենց գրպանում ունենան։ Այսինքն սա շատ նորմալ է, որ մարդիկ անցնեն անկանխիկ վճարման եղանակի, առավելեւս, որ անկանխիկ փոխանցումները մեր կյանքում արդեն վաղուց արմատավորված են, այսինքն իրականում անկանխկիկ վճարումների անցումը ՀՀ-ում կատարվում է շատ վաղուց։ Կարծում եմ, որ ընդհանուր առմամբ սա շատ տեղին փոփոխություններ, այն հաշվառելի եւ վերահսկելի է դառձնում տնտեսությունը։ Այնպես որ կարծում եմ մտահոգությունները կոնկրետ այս փոփոխության հետ կապված՝ չափազանցված են։

-Լավ, խոսենք նաեւ մեր ներկա տնտեսության վիճակի մասին։

-Մենք այս պահին չունենք տնտեսություն եւ տնտեսական կառուցվածք որպես այդպիսին չունենք, ուստի տնտեսության, առավելեւս նրա զարգացման մասին խոսելը եւս անիմաստ է։ Ունենք իներցիոն զարգացման փուլում գտնվող տնտեսություն, մասնավոր ընկերությունների համախումբ ունենք, որը որեւէ ձեւով չի կանոնակարգվում։ Մակրոմակարդակով տնտեսությունը չի կառավարվում, չի ուղղորդվում, չի ստեղխվում այն պայմանները, որոնց արդյունքում կարող են լինել այս կամ այն նվաճումները։ Այնպես որ ես ձեռնպահ կմնամ այս պահին տնտեսության մասին խոսել, հատկապես, որ տնտեսության կառավարման ղեկը հանձնված է ոչ տնտեսագետի։ Եվ այս պարագայում կարծում, որ տնտեսագիտության պրոֆեսորը բոլորովին պարտավորված չէ դիլենտանտների քայլերը մեկնաբանել։

ԻԼՈՆԱ ԱԶԱՐՅԱՆ