Արմենը հերթական զոհը դարձավ չարի խորհրդանիշ այս բռնապետության. Գայանե Ներսիսյան

Նոր Նորքի Սուրբ Սարգիս եկեղեցում այսօր կկայանա պրոդյուսեր Արմեն Գրիգորյանի հոգեհանգստի արարողությունը, իսկ նա ընդամենը երկու օր առաջ ժպտում էր ամենքիս հենց դատարանի դահլիճում՝ վստահ լինելով, որ արդարությունը մի օր կհաղթի: «Իրավունքի» հետ զրույցում ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ ասաց, որ բոլոր նրանք, ովքեր ունեն իրական հայի ոգի, հերթական անգամ ցնցվեցին դատարանում տեղի ունեցածից:

- Երկու օր առաջ հայ ժողովուրդը կորցրեց իր լավագույն զավակներից մեկին՝ իր հայրենիքի ու ժողովրդի իրական նվիրյալ, ազնիվ, շնորհալի արվեստագետ Արմեն Գրիգորյանին: Արմենը դահլիճի դատարան մտավ իրեն հատուկ անկեղծ ժպիտով ու ողջունեց իր հայրենակիցներին… Ցավոք, վերջին ժպիտն էր… Հանկարծ կանգ առավ Արմենի հայի սիրտը, հեռացավ հայրենիքի կորստի ու Եռաբլուրի ցավը սրտում: Ահավոր ցնցում ապրեցին իրական հայերը: Արմենը հերթական զոհը դարձավ չարի խորհրդանիշ այս բռնապետության՝ իրենց գլխավոր դավաճան վարչապետ կոչեցյալի գլխավորությամբ: Արդեն չորս տարի է անվերջ այս դավաճան իշխանությունը ողբերգություն ու ցավ է բերում հայ ժողովրդին: Ակամա ուզում եմ նրանց հարցնել՝ ի՞նչ խղճով եք ձեր գլուխները դնում բարձին: Թեեւ ի՞նչ եմ հարցնում, ձեզ որտեղի՞ց խիղճ: Հայ ժողովուրդը գիտի, որ ցանկանում եք թողնել Հայաստանն առանց հայերի, բայց չէ որ վերեւում Աստված կա, վախեցե՛ք…

ՀՐԱՆՏ ՍԱՐԱՖՅԱՆ

Այս թեմայով Լուրջ կասկածներ ունեմ, որ ողջ այդ բառակույտի կնքահայրն անձամբ Նիկոլն է. Արմեն Հովասափյան Մեղադրական եզրակացությունը, որը ես եմ ստացել, համապատասխան չէ օրենքի պահանջներին. Արմեն Աշոտյան Ինչու է ՔՊ-ն դանդաղում իր որոշումների մեջ.ո՞վ կասի.... ՔՊ-ականների մեջ չգտնվեց ինչ-որ մեկը, որ ունենար հային բնորոշ արժանապատվություն. Գայանե Ներսեսյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները