Ինչպես «Ակունքը» «պղտորվեց»

«Իրավունքն» անդրադարձել էր, որ «Ակունք» ազգագրական համույթի գեղարվեստական ղեկավար Արթուր Շահնազարյանի «թեթեւ ձեռքով»  աշխատանքից ազատվել է ՀՀ վաստակավոր արտիստ, Արցախի այա ՄԱԴԼԵՆ ԱՍՐՅԱՆԸ: Երգչուհին մեզ հետ զրույցում նշել էր, որ պատճառը եղել է այն, որ, այսպես կոչված, «Սասնա ծռեր» խմբավորման մասին մեկնաբանություն էր գրել սոցիալական ցանցում, որ նրանք սորոսական են եւ ազգայինի անվան տակ հակաազգային գործողություններ են կատարում: Իսկ հետո պարզվել էր, որ Արթուր Շահնազարյանը եւս հարում է «Սասնա ծռերին»: Նա հասկացրել էր, որ  արցախյան երգեր այլեւս «Ակունք»-ում չպետք է երգեն եւ ազատել աշխատանքից Արցախի այային: Ընդ որում` այն, որ Ա. Շահնազարյանը կապ ունի «Սասնա ծռերի» հետ, հայտնի է բաց աղբյուրներից:

Տեղի ունեցածի վերաբերյալ փորձել էինք պարզաբանում ստանալ նաեւ «Ակունքի» գեղղեկ ԱՐԹՈՒՐ ՇԱՀՆԱԶԱՐՅԱՆԻՑ: Ըստ նրա` 45 տարի բեմում բազմաթիվ ծափերի արժանացած երգչուհին, մեղմ ասած, լավ չի երգում: Իհարկե, Շահնազարյանի բառապաշարը շատ ավելի կոպիտ էր, որը եւս մեկ անգամ չենք մեջբերում: Ինչեւէ, այսքանով շահնազարյանական «Ակունքը» որոշեց չբավարարվել եւ իրենց հետ ճանապարհ անցած, հաց կիսած երգչուհու դեմ որոշեցին «ցեխ շպրտել» պաշտոնապես: Անմակարդակ բամբասանքի ոճով նրանք հանդես են եկել հայտարարությամբ ու սպառնացել Մադլեն Ասրյանին, որ հեռու մնա «Ակունքից»:

Հեռահար այս «փոխհրաձգության» շուրջ լույս սփռելու համար «Իրավունքը» որոշեց կողմերին հրավիրել հեռուստատաղավար` բանավեճի: Մադլեն Ասրյանն ասաց, որ պատրաստ է Արթուր Շահնազարյանին դեմ-դիմաց ներկայացնել իր տեսակետները: Սակայն, Արթուր Շահնազարյանը, մեր զանգին ի պատասխան, հիստերիայի մեջ ընկավ: Առանց լսելու անգամ, թե ինչու էինք զանգահարել, նա արվեստագետին ոչ հարիր ոճով, ինչպես հանդես էին եկել հայտարարության մեջ, սկսեց վիրավորել Մադլեն Ասրյանին եւ իրեն զանգահարած լրագրողին: Ըստ էության, ստացվում է, որ Արթուր Շահնազարյանն այլեւս ասելիք չունի եւ տպավորություն է, որ քաղաքական պատվեր է կատարել` աշխատանքից ազատելով արցախցի երգչուհուն, ով նաեւ «Ուժեղ Հայաստան Ռուսաստանի հետ. Հանուն նոր Միության» շարժման անդամ է եւ մշտապես բարձրաձայնել է հայ-ռուսական բարեկամության ամրապնդման օգտին: Ի դեպ, անձամբ Ա. Շահնազարյանն է ասել, թե վերեւներից են Մադլեն Ասրյանին տեղավորել «Ակունքում», փաստորեն, հիմա էլ չի բացառվում, որ վերեւներից, մասնավորապես` իշխանության կամակատար, հակառուսականության ջատագով «Սասնա ծռերից» ասել են, որ նրան պետք է աշխատանքից ազատե՞լ… Այսքանից կարելի է ենթադրել, որ հենց սա է պատճառը, որ այսօր հանրային քաղաքական հետապնդման է ենթարկվում Մադլեն Ասրյանը` ամենակեղտոտ բառապաշարով:

ՀՐԱՆՏ ՍԱՐԱՖՅԱՆ

Հ.Գ.- Ինչեւէ, Արթուր Շահնազարյանին հորդորում ենք խաղաղվել եւ պաշտոնապես հրավիրում «Իրավունք TV»-ի տաղավար, որպեսզի իր պնդումներն անձնապես ներկայացնի Մադլեն Ասրյանին եւ նաեւ լսի նրա տեսակետները: Թերեւս սա կլինի նախեւառաջ տղամարդավարի, քան հետեւից բամբասելը:

Այս թեմայով Ընտրապայքարի են դուրս եկել ներկա եւ նախկին համայնքապետերը Ռուսաստանը կարող է հարձակվել ՆԱՏՕ-ի տարածքի վրա «ամիսների ընթացքում, այլ ոչ թե տարիների». Չեխական հակահետախուզություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները