Բենզինի գները կնվազեն

Վրաստանում նավթ ներմուծողների միության նախագահ Վանո Մվրալաշվիլին հայտնել է, որ հաջորդ ամսվանից Վրաստանում վառելիքի գները կնվազեն։ Այս մասին հաղորդում է aliq.ge-ն։

Ըստ Մվրալաշվիլիի՝ գնի նվազման պատճառը մի կողմից լարիի փոխարժեքի ամրապնդումն է, մյուս կողմից՝ միջազգային շուկայում նավթի գնի նվազումը։

Միջազգային շուկայում վառելիքի գնի անկումը սկսվել է հունիսին, թեև վերջին 2 շաբաթվա ընթացքում անկումն ավելի ինտենսիվ է եղել, ըստ այդմ, վառելիքի գնի նվազումը շուտով կարտացոլվի վրացական շուկայում»,- ասել է Վանո Մվրալաշվիլին։

Նշենք, որ եթե հունիսի սկզբին «Բրենթ» տեսակի նավթի 1 բարելի գինը 116 դոլար էր, ապա այսօր այս գինը նվազել է՝ հասնելով 105 դոլարի։ Ինչ վերաբերում է լարիի փոխարժեքին, ապա լարին արդեն երրորդ շաբաթն անընդմեջ ամրապնդվում է։ Տարեսկզբից դոլարի նկատմամբ լարիի փոխարժեքն ամրապնդվել է 9,67 տոկոսով, իսկ այս ամսվա ընթացքում ամրապնդման տեմպը գերազանցել է 3,01 տոկոսը։