Իմ պայքարը երկիր ունենալու համար է. Անի Ղազարյան

«Իրավունք»-ի զրուցակիցը երիտասարդ դերասանուհի, «Իշխանություն» ֆիլմի գլխավոր հերոսուհու դերակատար ԱՆԻ ՂԱԶԱՐՅԱՆՆ է։

— Տիկին Ղազարյան, ինչպիսի՞ն պետք է լինի ժամանակակից արվեստագետը։

— Ճիշտն ասած՝ ժամանակակից արվեստագետ ձեւակերպումը չեմ հասկանում: Ժամանակները բացարձակ կապ չունեն՝ արվեստագետը կա՛մ ունի կշիռ, ունի միտք, ունի շնորհք ու մարդկային ճիշտ արժեքներ, կա՛մ չունի:

— Ի՞նչ եք կարծում, «Իշխանություն» ֆիլմում Ձեր մարմնավորած հերոսուհուն ինչքանո՞վ հաջողվեց ասելիքը փոխանցել հանրությանը։

— Ֆիլմի հաջողելը կամ չհաջողելն, ի վերջո, հանդիսատեսն է որոշում: Ես միշտ կարեւորում եմ ցանկացած հանդիսատեսի կարծիք: Ու հիմնվելով հենց այդ կարծիքների վրա` կարող եմ ասել, որ մեծամասամբ հերոսուհուս ասելիքը տեղ հասել է:

— Ալիսան անուղղելի սկզբունքային կերպար է։ Իրականում Դուք սկզբունքայի՞ն մարդ եք։

— Վերջին տարիներին հենց այդպիսին եմ դարձել: Երեւի մեծացել եմ:

— Հաճախ էինք Ձեզ տեսնում «Դիմադրության» շարժման շարքերում։ Ինչի՞ համար էր Ձեր պայքարը։

— Իմ պայքարը երկիր ունենալու համար է: Վերջերս մի շատ ճիշտ ձեւակերպում կարդացի Հովիկ Աֆյանի կողմից գրված, մոտավորապես այսպես է ասվում. «Հայրենիքը կարող է լինել ԱՄՆ-ում, Ռուսաստանում եւ մնացած հայաշատ երկրներում, բայց պետությունը միայն այստեղ է…»: Ես ուզում եմ հզոր պետություն ունենալ, հզոր ղեկավար, հպարտ ու հաղթանակած հասարակություն։ Ուզում եմ երկիրս կործանման տարած յուրաքանչյուր ոք կրի իր արժանի պատիժը։

— Ինչպես հասկացանք՝ շուտով հանրության դատին է հանձնվելու «Իշխանություն 2» ֆիլմը։ Ի՞նչ եք կարծում, ֆիլմի առաջին տարբերակը սիրվե՞ց։

— Մեր ժամանակներում չկա այնպիսի ֆիլմ, որ սիրվի միանշանակ բոլորի կողմից, եւ այս ֆիլմը բացառություն չէ: Հատկապես այն քաղաքական գիծը, որ կա ֆիլմում, բնական է, որ ոմանց դուր չէր գալու։

— Ֆիլմում կերտած հերոսուհու եւ անձամբ Ձեր միջեւ ինչպիսի՞ ընդհանրություններ կան։

— Չհանձնվելը։ Ես երբեք չեմ հանձնվում։

— Դժվարությունները կարո՞ղ են Ձեզ չարացնել։

— Մինչեւ հիմա դժվարություններից ու խոչընդոտներից չեմ չարացրել։ Հուսով եմ՝ այդպես էլ կմնա։

— Հայ-թուրքական կառուցվելիք «բարեկամության» համատեքստում մի՞թե կարելի է, որ ցեղասպանություն վերապրած ժողովրդի զավակ-մտավորականները այսքան լուռ կամ զուսպ լինեն։ Ինչու՞ է լռում մտավորականնությունը։

— Ինքս այդ հարցի պատասխանը գտնել չեմ կարողանում, բայց, ցավոք, դա փաստ է:

— «Իշխանություն 2» ֆիլմն ի՞նչ ասելիք ունի հանրությանը։

— Փակագծեր չեմ բացի: Ֆիլմը մոտ ապագայում կլինի էկրաններին։

ՌՈՒԶԱՆՆԱ ԽԱՉԱՏՐՅԱՆ

Այս թեմայով Քաղաքացուց հափշտակված գումարը պետության եկամուտը չէ. Իրավապաշտպան Կարևոր չի՝ Փաշինյանն ու մյուսները ինչ տեսքտով են երդվելու, մեկ ա՝ երդմնազանց են լինելու. Էդգար Ղազարյան «Չե՞ք ուզում հրաժարական տալ, որ արժանի ԱԺ նախագահ ընտրենք», «Տափակ հումոր էր, չեմ պատրաստվում» ՇՏԱՊ. Որպես անհետ կորած որոնվում է 2011թ. ծնված Անի Գևորգյանը Պատկերացրեք՝ Փաշինյանն է ասում. «Երդվում եմ ծառայել Ադրբեջանին, կատարել Ալիևի ասածները»