Շախմատի 44-րդ օլիմպիադա. Հայաստանն այսօր մրցում է Ադրբեջանի հետ

Հնդկաստանի Չեննայ քաղաքում ավարտին է մոտենում Շախմատի համաշխարհային 44-րդ օլիմպիադան: Այսօր կկայանան 10-րդ տուրի պարտիաները: Հայաստանի կանանց և տղամարդկանց հավաքականներն այսօր մրցում են Ադրբեջանի հետ:
Տղամարդկանց հավաքականի առաջին համար Գաբրիել Սարգսյանը սև խաղաքարերով կմրցի Շահրիյար Մամեդյարովի հետ, Հրանտ Մելքումյանը սպիտակներով կխաղա Հադիր Հուսեյինովի հետ, Մանուել Պետրոսյանը սևերով կխաղա Վասիֆ Դուրաբայլիի հետ, իսկ Ռոբերտ Հովհաննիսյանը սպիտակներով կմրցի Նիյատ Աբասովի հետ:
Հիշեցնենք՝ Հայաստանի հավաքականը նախորդ՝ 9-րդ տուրում, կրել է  առաջին պարտությունը՝ 1:3 հաշվով զիջելով Ուզբեկստանին:

9-րդ տուրից հետո Ուզբեկստանը 16 միավորով գլխավորել է մրցաշարային աղյուսակը։ Հայաստանի հավաքականը և Հնդկաստանի երկրորդ թիմն ունեն 15-ական միավոր։

Կանանց հավաքականի կազմում էլ Ադրբեջանի թիմի դեմ խաղում հայտավորված են Էլինա Դանիելյանը, Լիլիթ Մկրտչյանը, Աննա Սարգսյանը և Սուսաննա Գաբոյանը:

Հիշեցնենք՝ Հայաստանի կանանց հավաքականը 14 միավորով բաժանում է 5-9-րդ տեղերը: Նախորդ՝ 9-րդ տուրում, կանայք մրցել են ռումինացիների հետ և 3:1 հաշվով հաղթանակ տարել:

Այս թեմայով Հայտնի է՝ ովքեր կներկայացնեն Հայաստանը Չեխիայում շախմատի Եվրոպայի մինչև 18 տարեկանների թիմային առաջնությանը ՇՏԱՊ. Ձերբակալել են Շախմատի ֆեդերացիայի նախագահի առաջին տեղակալ Սմբատ Լպուտյանին. ArmLur.am ՖԻԴԵ-ն հրապարակել է Շախմատի աշխարհի չեմպիոնի հավակնորդների ցուցակը Մոսկվայի քննիչները պահանջում են շախմատի աշխարհի նախկին չեմպիոն Գարի Կասպարովի ձերբակալությունը Հայաստանի շախմատի ֆեդերացիան ամփոփել է 2025 թվականի արդյունքները