Հատուկ թուրքական դպրոց է հաճախել․ Ով է Թուրքիայում ընտրված հայ գավառապետը եւ ինչով է աչքի ընկել․ Բացառիկ մանրամասներ ներկայացնում Բագրատ Էստուկյանը

Արցախում տեղի ունեցող իրադարձությունները Թուրքիայում առհասարակ քննարկման առարկա չեն, այստեղ ո՛չ Հայաստանի, ո՛չ Արցախի մասին անգամ որեւէ պարբերական չի գրում եւ ոչ մի կոնտեսքստում։ Այս մասին <<Իրավունքի>> հետ զրույցում ասաց Պոլսի «Ակօս» թերթի հայերեն բաժնի խմբագիր Բագրատ Էստուկյանը միառժամանակ ընդգծելով․

Չի բացառվում, որ Թուրքիայի բանակը կներխուժի դեպի Հյուսիսային Սիրիա

-Այս պահին Թուրքիայի ողջ ուշադրությունը ուղղված է Հյուսիսային Սիրայի վրա, չի բացառվում, որ Թուրքիայի բանակը կներխուժի դեպի Հյուսիսային Սիրիա։ Իսկ Հայաստանի հետ հարաբերությունների բնականոնացումը առհասարակ Թուրքական իշխանությունների օրակարգի մեջ չէ։ Ավելին, թե՛ Թուրքիայի նախագահը, թե՛ ԱԳՆ նախարարը կարմիր գծով տանում են այն, որ Թուրքիան Ադրբեջանի դաշնակիցն է եւ, որ առանց Ադրբեջանին հաճոյանալու որեւէ քայլ չեն ձեռնարկելու երբեք։

-Պարոն Էստուկյան թուրքական մամուլը ակտիվ տարածում էր լուրն առ այն, որ հայ համայնքից գավառապետ է ընտրվել։ Ո՞վ է այդ երիտասարդը, ինչո՞վ է աչքի ընկել հայ համայնքում։

-Այո գավառապետ է ընտվել, ով համարվում է, որպես այդ գավառում կառավարության  ներկայացուցիչ։ Առաջին անգամ այդ պաշտոնում նշանակվեց հայ, ավելի ճիշտ ոչ մահմեդական մեկը։ Հարյուր տարի մոտեցող պետության պատմության մեջ անախադեպ երեւույթ էր սա։ Ըստ իս սա էլ պատահական չէր, Կառավարությունը այդ քայլն արեց ցույց տալու, թե ինչքան ժողովրդավար է Թուրքիան։

-Իսկ, ինչո՞վ է աչքի ընկել այդ հայ երիտասարդը։

-Բացարձակ որեւէ բանով, մենք նրա մասին այս նշանակումից հետո լսեցինք, նրա մասին տեղյակ չէինք։ Այդ երիտասարդը հայկական ազգային վարժարան հաճախել է միայն միջնակարգ վարժարանում, հետո հատուկ գնացել է թուրքական դպրոց, մասնագիտությամբ իրավաբան էր, քննություն տվեց եւ ընտրվեց գավառապետ։

Զրույցը՝ ԻԼՈՆԱ ԱԶԱՐՅԱՆԻ