Ալեք Բոլդուինը պատմել է, որ Դոնալդ Թրամփի հետեւորդները սպառնացել են սպանել իրեն

2021 թվականի հոկտեմբերին հոլիվուդյան դերասան Ալեք Բոլդուինը «Ժանգը» ֆիլմի նկարահանման հրապարակում կրակոց է արձակել, որի արդյունքում մահացել է օպերատոր Հալինա Հաթչինսը, իսկ ռեժիսոր Ջոել Սոուզան վիրավորվել էր: Նա կրակել է իր ատրճանակից՝ վստահ լինելով, որ դրանում չլիցքավորված փամփուշտներ են։ Դեպքից կարճ ժամանակ անց դերասանը հայտարարել է, որ կատարվածը «ցնցել» է իրեն, որ ինքը համագործակցում է ոստիկանության հետ եւ պատրաստ է ցանկացած օգնություն ցուցաբերել մահացածի ընտանիքին։

Հետաքննությունների դաշնային բյուրոն այժմ քննում է գործը եւ վերջերս հայտարարել է, որ կրակոցը չէր կարող պատահական լինել։ Ալեք Բոլդուինի փաստաբանը մեկնաբանել է մեղադրանքները. «Հետաքննությունների դաշնային բյուրոյի զեկույցը սխալ է մեկնաբանվում։ Փորձարկման ժամանակ ատրճանակը կրակել է միայն մեկ անգամ՝ առանց ձգանը սեղմելու: Հետաքննությունների դաշնային բյուրոյին չի հաջողվել կրակել ատրճանակից, նույնիսկ ձգանը սեղմած, քանի որ այն գտնվում էր շատ վատ վիճակում»:

Նախօրեին Ալեք Բոլդուինը կարճ հարցազրույց է տվել CNN-ին, որի ընթացքում ասել է, որ Դոնալդ Թրամփի հետեւորդներն իրեն սպառնացել են հաշվեհարդար տեսնել։ Նրա վիճակն էլ ավելի է բարդացել ԱՄՆ նախկին նախագահի խոսքերից հետո, թե դերասանը դիտավորյալ կրակել է օպերատորի ուղղությամբ՝ սպանելու նպատակով, իսկ անվտանգությունը հայտնվել է վտանգի տակ։

Բոլդուինը խոստովանել է, որ այս վեց ամիսներն իր կյանքից տարիներ են խլել։ «Եթե կինս չլիներ, ես չգիտեմ, թե հիմա ինչ կլիներ ինձ հետ. Ես անմիջապես կհեռանայի, կանցնեի թոշակի, կվաճառեի իմ ունեցվածքը եւ հավանաբարի կանհետանայի »,- ասել է Ալեք Բոլդուինը:

Աղբյուրը՝ Peopletalk

Լուսանկարը՝ Jim Spellman