Ինչպե՞ս է սթրեսն ազդում բերանի տհաճ հոտի վրա

Թերապեւտ Իրինա Վալիևան SOLENKA.INFO պորտալին տված հարցազրույցում պատմել է, թե ինչպես է սթրեսն ազդում մարդու շնչառության վրա։ Մասնագետը բացատրել է, որ բերանի տհաճ հոտի պատճառներից մեկը միկրոֆլորայի անհավասարակշռությունն է, որը սերտորեն կապված է մեր տրամադրության եւ հոգեկան առողջության հետ։

Վալիեւայի խոսքով՝ երբ մարդն անհանգստություն կամ սթրես է զգում, նրա միկրոբիոմը փոխվում է, ինչը շնչառության հոտի փոփոխության է հանգեցնում: Բացի այդ, հակաբիոտիկները եւ հակասնկային դեղամիջոցները չափազանց վնասակար ազդեցություն ունեն օգտակար միկրոֆլորայի պոպուլյացիայի վրա: Ուստի այդ դեղերի ընդունումը կարող է ուղեկցվել տրամադրության փոփոխություններով եւ բերանից գարշահոտի ի հայտ գալով։

Թերապեւտը նշել է, որ խուճապի նոպաների եւ խրոնիկական սթրեսի ժամանակ մեր օրգանիզմում կորտիզոլի ալիք է առաջանում, որն արգելակում է աղիքային միկրոօրգանիզմների տեսակային բազմազանությունը։ Աղիքային միկրոֆլորան նորմի բերելու համար անհրաժեշտ է առաջին հերթին հնարավորինս վերացնել խուճապի եւ անհանգստության աղբյուրները։

Վալիեւան ընդգծել է, որ միկրոֆլորան օգտակար բակտերիաների, սնկերի եւ խմորիչի միացություն է, որոնք միասին են գործում: Դրանց ճիշտ համամասնությունը շատ կարեւոր է։ Դիսբալանսի դեպքում մարդու մոտ բերանի տհաճ հոտ է առաջանում, որը կարելի է միկրոֆլորայի վիճակի ցուցիչ անվանել:

Անհանգստության շատ պատճառներ կան, բայց ամենատարածվածը սննդանյութերի պակասն է, ինչպիսիք են վիտամին B1-ը կամ վիտամին D-ն: Սթրեսը նվազեցնելու համար Վալիեւան խորհուրդ է տալիս ավելի շատ լինել արեւի տակ, պարբերաբար ժամանակ անցկացնել բնության գրկում, փոխել շրջակա միջավայրը եւ սկսել ճիշտ սնվել: 

https://med.news.am/arm/news/32626/inchpes-e-stresn-azdum-berani-thatch-hoti-vra.html

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Թրամփը վերջին րոպեին չեղարկեց հուսիթների վրա հարձակումը. The New York Times Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Լավ գիտեն՝ Նիկոլը մարսողը չի. Ինչից են վախեցած Սարգսյանները Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios