Սեւ ու սպիտակին ավելացավ եւս մեկ գույն. Կարապետյան եղբայրները թեժ նախագծով են հանդես եկել

Այսուհետ լուսաբանումը բլոգային ոլորտում ոչ միայն կլինի սեւ ու սպիտակ, այլ նաեւ կավելանա եւս մեկ գույն:

Շոումեն, դերասան ԱՇՈՏ ԿԱՐԱՊԵՏՅԱՆԸ եղբոր՝ ԱՐԹՈՒՐ ԿԱՐԱՊԵՏՅԱՆԻ հետ համարձակ եւ թեժ նախագծով են հանդես եկել: Կայացավ Կարապետյան եղբայրների Karapetyans blog -ի պաշտոնական բացումը, որին ներկա էին մի շարք հայտնի դերասաններ, երգիչներ եւ մշակութային այլ ճյուղերի վառ ներկայացուցիչներ:

Երեկոն լի էր անակնկալներով՝ կանաչ ծուխ, տորթ, երգ ու երաժշտություն եւ, իհարկե, գեղեցիկ աղջիկներ, որոնք արդեն իսկ ակնհայտ է, որ լինելու են նոր բլոգի հաջողության գրավականը:

Ինչպես նշեց Աշոտ Կարապետյանը, Karapetyans blog-ը ներկայացնում է մի հարթակ, որը հասանալի կլինի բոլորին:

«Մենք արդեն վաղուց գործում ենք  բիզնես հարթակում. մարքեթինգային ոլորտում, ինչպես նաեւ արվեստում, բայց առանձին-առանձին։ Եկել է ժամանակը, որ երկու եղբայր միավորենք մեր ուժերը՝ ստեղծելով նորը : Բլոգի շրջանակներում մենք լուսաբանելու ենք քաղաքի ժամանցային կյանքը, բրենդները, առաջնային իրադարձությունները, ինչպես նաեւ կմատուցենք հետեւյալ ծառայություններ՝  web կայքերի պատրաստում, բիզնես առաջխաղացում, թրեյնինգներ, յուրաքանչուր գործընկերոջ համար անհատական փաթեթների կազմում, Startup-եր», - ասաց Աշոտը:

Իսկ Արթուր Կարապետյանն ընդգծեց, որ այսօրվա առաջատար սոցիալական ցանցերը՝  Facebook, Instagram, Tik tok. այն հարթակներն են, որոնք այսօր երիտասարդության շարժիչ ուժն են, մինչդեռ շատ երիտասարդներ ցանկանում են անցկացնել լավ եւ գրագետ ժամանց, բայց չգիտեն՝ ինչպե՞ս եւ որտե՞ղ:

«Մենք մեր բլոգի միջոցով կօգնենք գտնել քաղաքի հետաքրքիր վայրերը։ Ի դեպ, մեր բլոգն այն եզակիներից է Հայաստանում, որը հասանելի է 3 լեզվով, ինչն էլ  իր հերթին հնարավորություն կտա Հայաստան այցելող շատ զբոսաշրջիկների պատկերացում կազմել Հայաստանի ժամանցային կյանքի մասին», - մանրամասնեց Արթուրը:

ՀՐԱՆՏ ՍԱՐԱՖՅԱՆ 

Այս թեմայով Ընտրապայքարի են դուրս եկել ներկա եւ նախկին համայնքապետերը Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ