Որոշում եմ կայացրել չեղարկել սեպտեմբերի բոլոր ներկայացումները. Հայկ Մարության

«Հարգելի հայրենակիցներ: Այս դժվար օրերին մենք, իհարկե, պետք է միջազգային հանրությանը ներկայացնենք Ադրբեջանի այլանդակ, բոլոր միջազգային նորմերը խախտող ագրեսիան Հայաստանի սուվերեն տարածքի նկատմամբ, իհարկե, պետք է ակտիվ աշխատենք մեր դաշնակիցների հետ` խնդրի լուծման շուրջ, բայց ամենակարեւորը` մենք պետք է քաջ գիտակցենք, որ մեր Հայրենիքը կարող ենք պաշտպանել միայն մենք ինքներս: Ոչ ոք մեր տեղը դա երբեք չի արել եւ չի էլ անելու: Ուստի` պետք է դրվի մի նպատակ` Հայ Առաքելական Եկեղեցու օրհնությամբ կանգնել բանակի կողքին բոլոր հնարավոր եւ անհնարին միջոցներով:

 

Ցավակցում եմ զոհված զինծառայողների հարազատներին: Հավերժ փառք մեր Տղաներին: Աստված մեզ բոլորիս պահապան», – գրել է Երեւանի նախկին քաղաքապետ ՀԱՅԿ ՄԱՐՈՒԹՅԱՆԸ եւ, որպես հետգրություն, հավելել է. «Բնականաբար որոշում եմ կայացրել չեղարկել սեպտեմբերի բոլոր ներկայացումները»: