Մահացել է 90-ականների «Gangsta's Paradise» հիթի հեղինակ Coolio-ն

59 տարեկանում կյանքից հեռացել է ամերիկացի ռեփեր Կուլիոն (իրական անունը՝ Արթիս Լեոն Այվի կրտսեր): Հիփ-հոփ երաժշտին համաշխարհային հայտնիություն է բերել հեղինակային Gangsta's Paradise հիթը, որը թողարկվել է 1995 թվականին՝ դառնալով տասնամյակի ամենաճանաչված երգերից մեկը:

Կուլիոյի մենեջեր Ջարեզ Փոսին ամերկյան լրատվամիջոցներին հայտնել է, որ ռեփերը մահից առաջ հյուրընկալվել էր ընկերոջը: Նրա անշնչացած մարմինը հայտնաբերել են ընկերոջ տան լոգարանի հատակին: Մահվան հստակ պատճառները հայտնի չեն, ինչպես Փոսին է հայտնել TMZ կայքին, բժիշկները կարծում են՝ ռեփերը սրտի կանգ է ունեցել:

Կուլիոն երգեր է թողարկել դեռ 1980-ականներին, բայց համաշխարհային համբավ է սկսել վայելել հաջորդ տասնամյակում՝ «Gangsta's Paradise»-ի (թարգմանաբար՝  «Գանգստերական դրախտ») շնորհիվ: Այս երգի համար ռեփերը Գրեմմի է ստացել, սինգլը զբաղեցրել է տարբեր երկրների չարթերի առաջին հորիզոնականները: Gangsta's Paradise-ը հնչել է Միշել Պֆայֆերի մասնակցությամբ Dangerous Minds ֆիլմում:

https://bravo.am/news/76806

Այս թեմայով Պայթյունի հետևանքով պայմանագրային զինծառայող է մահացել Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Հիվանդանոցում մահացել է Լիսկան դոկտոր-պրոֆեսոր է, Ծառուկյանն էլ՝ գրքի հեղինակ, հլը պտի պատասխան տաք. Փաշինյանը՝ կրթության որակի մասին Ֆրանսիայում 7000 մարդ է մահացել շոգի պատճառով