«ԿԱՆԹԵՂ» ՄՐՑԱՆԱԿԱԲԱՇԽՈՒԹՅՈՒՆ` ՆՎԻՐՎԱԾ ԹԱՐԳՄԱՆՉԱՑ ՏՈՆԻՆ

5-րդ դարից ի վեր Հայ Առաքելական սուրբ եկեղեցին հոկտեմբերի երկրորդ կիրակի օրը նշում է Սուրբ Թարգմանչաց տոնը: Իսկ Հայաստանի գրողների միությունում տոնը նշանավորում է նաեւ «Կանթեղ» մրցանակաբաշխությամբ: «Իրավունքի» հետ զրույցում Հայաստանի գրողների միության անդամ, «Ծիծեռնակ» մանկական ամսագրի գլխավոր խմբագիր, բանաստեղծուհի ԱՆՈՒՇ ՎԱՐԴԱՆՅԱՆՆ ասաց, որ ինչպես ամեն տարի, այս տարի եւս Ն.Ս.Օ.Տ.Տ. Գարեգին Բ Ամենայն Հայոց կաթողիկոսի օրհնությամբ եւ հովանավորությամբ՝ տեղի կունենա գրական միջոցառում Օշականում:

— Այդ օրը մենք ծաղիկներ ենք խոնարհում Մեսրոպ Մաշտոցի` մեր առաջին թարգմանչի շիրմի առջեւ, որը ինչպես գիտենք, թարգմանել է Սուրբ գիրքը, որի առաջին տողերն են. «Ճանաչել զիմաստություն եւ զխրատ, իմանալ զբանս հանճարոյ»: Հետո կլինի «Կանթեղ» մրցանակաբաշխությունը, որը կազմակերպել է Հայաստանի գրողների միությունը: Այնուհետեւ կլինի մի փոքրիկ գինեձոն: Այդ ամենը տեղի է ունենալու Օշականի առաջնորդարանում:

— Տիկին Վարդանյան, ովքե՞ր են «Կանթեղ»-ում մրցանակների արժանանում:

— Մրցանակի են արժանանում օտար լեզուներից հայերեն թարգմանիչներ, ինչպես նաեւ հայ գրականությունն ուրիշ լեզուներով թարգմանողներն ու հանրահռչակողները:

Ի դեպ, նշենք, որ հոկտեմբերի 8-ին Թարգմանչաց տոնը մեծ համերգով կնշվի նաեւ Մոսկվայի Հայ Առաքելական սուրբ եկեղեցու Ռուսաստանի եւ Նոր Նախիջեւանի Հայոց թեմի «Տապան» թանգարանում:

ՆՈՒՆԵ ԶԱՔԱՐՅԱՆ

Այս թեմայով Մեկ ընդդիմադիր համայնքապետ ասեք, որ ընտրվել է ու չի հետապնդվել․ Քրիստինե Վարդանյան ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Դուք ո՞վ եք, ի՞նչ իրավունքով եք հայտարարում, որ Արցախն արցախցիների հայրենիքը չէ. Քրիստինե Վարդանյան Ռուբեն Վարդանյանի կնոջը սպառնում են ձերբակալել, եթե նա այցելի Բաքու