Իշխանությունը ազնիվ չէ ո՛չ մեզ հետ, ո՛չ` ՌԴ-ի. հակառուս հումորիստը ելույթ կունենա օպերային թատրոնում

«Հակառուսական իշխանությունը մեր երկրում հասել է այն բանին, որ Հայաստան է ժամանելու Ռուսաստանից` ռուս-ուկրաինական պատերազմը սկսելուց անմիջապես հետո, իր քաղաքական հայացքների համար հեռացած, ռուսական իշխանությանը մեղադրող` Դանիլա Պապերեչնին։ Նա հյուրախաղերով շրջագայում է Եվրոպայում` հասույթը ուղարկում ուկրաինացիներին։

 

Մոտ օրերս` հոկտեմբերի 31-ին, նա ելույթ է ունենալու ՀՀ Օպերայի եւ բալետի ազգային ակադեմիական թատրոնում ու ողջ հասույթը տրամադրելու է ուկրաինացիներին` մեր իրական ռազմավարական գործընկերոջ դեմ պատերազմում։ Ահա եւ հերթական փաստերից մեկը, թե ինչու է Ռուսաստանի Դաշնությունը, մեր միակ իրական ռազմավարական գործընկերը, հապաղում մեզ օգնելիս ու մենք կրկին մնում ենք մենակ` անպաշտպան օդով ու անզեն: Մեր երկրում իշխանությունը ազնիվ չէ ո’չ մեզ հետ, ո'չ Ռուսաստանի հետ։