Մարդիկ, ովքեր մի ամբողջ կյանք էին դրել շրջանի կայացման համար, դարձան անտեր թափառականներ՝ իրենք իրենց ցավի մեջ պարուրված. Քաշաթաղցիների առկախված խնդիրները այսօր

«2020 թվականի դեկտեմբերի 1 ին պատերազմից մնացած փշուրներում Քաշաթաղը հայաթափվեց։ Մարդիկ, ովքեր մի ամբողջ կյանք էին դրել շրջանի կայացման համար, դարձան անտեր թափառականներ՝ իրենք իրենց ցավի մեջ պարուրված, այն ցավի, որը եթե քաշաթաղցի չես` չես կարող հասկանալ։ Շատ քիչ մարդ է, որ այս երկու տարվա ընթացքում կարողացել է լուծել իր բնակարանի խնդիրները, կարելի է ասել մատների վրա հաշված մարդիկ, իսկ բացարձակ մեծամասնությունը երեք, չորս, հինգ ամիսը մեկ առնչվում է նոր վարձով բնակարան գտնելու խնդրին։ Այդ հարցը ամենակարևորն է մարդկանց համար և մինչև հիմա լուծում տալ չի ստացվում»-անդրադառնալով բռնի տնից-տեղից տեղահանված քաշաթաղցիների այսօրվա խնդիրներին, ասաց Քաշաթաղից ընտրված ԱՀ ԱԺ պատգամավոր, քաշաթաղցի ԿԱՐԵՆ ՀՈՎՀԱՆՆԻՍՅԱՆԸ, ընդգծելով.

-Տեղահանվածների շուրջ 80 ընտանիք հանդիսանում են զոհվածի իրավահաջորդներ, ու իրենց բնակարանային խնդիրը տևական ժամանակ է ես պահում եմ իմ ուշադրության կենտրոնում։ Նույնիսկ երեկ այդ հարցի շուրջ բավականին երկար քննարկում ենք ունեցել ոլորտի պատասխանատուի հետ, փորձում ենք ամենասեղմ ժամկետներում որպես առաջնային հարց` տալ այդ խնդրի լուծումը։

Բացի բնակարանային խնդրից քաշաթաղցիները առերեսվում նաեւ առօրյա բազում խնդիրների.

-Բռնի տեղահանվածները բազում խնդիրներ ունեն և օգտվում են ԱՀ կառավարության կողմից հաստատված բոլոր ծրագրերից, այլ հարց է թե պետությունը ներկա փուլում ինչքանով է Կառավարությունը ի վիճակի բազմաբնույթ օգնություն ու օժանդակություն կազմակերպելուն: Հաճախ առաջանում են տեխնիկական խնդիրներ, սակայն ինչքան գիտեմ Երևանում տեղակայված ԱՀ կառավարության օպերատիվ շտաբում իրենց հնարավոր կարողությունների սահմններում կազմակերպվում են բազմաթիվ հարցերի լուծումներ։ Անձամբ ճաչում եմ շտաբի պետ Միքայել Վիրաբյանին, բարձր եմ գնահատում վերջինս մասնագիտական հմտությունները և մարդկային որակաները, ուստի ինձ իրավունք կվերապահեմ հայտնել, որ վեջինս անում է իրենից կախված ամեն բան, ափսոս ամեն բան չէ որ իր ուժերի սահմաններում է։

ԻԼՈՆԱ ԱԶԱՐՅԱՆ