Ով է Ստեփանակերտի պուրակում հայտնաբերված 40-ամյա տղամարդը. Մանրամասներ

Այսօր առավոտյան ողբերգական դեպք է գրանցվել Ստեփանակերտի Ստեփանակերտ քաղաքի Կնունյանցների փողոցում գտնվող Ազատամարտիկների անվան պուրակում, որտեղ հրազենային վնասվածքով հայտնաբերվել տղամարդու դի: «Իրավունքին» որոշ մանրամասներ են հայտնի դարձել, մասնավորապես, թե ով էր տղամարդը եւ ինչու է գնացել այդ քայլին: Պարզվում է տղամարդը Կառավարության աշխատակից էր, ԱՀ Քաղաքաշինության նախարարի օգնականն էր, ըստ շրջանառվող լուրերի նա նման քայլի է գնացել նեղ անձնական խնդրի պատճառով, որը, բարոյական չենք համարում, բարձրաձայնել: Տղամարդուն Ստեփանակերտում բնութագրում են դրական հատկանիշներով, ընտանիքին նվիրված, հայրենասեր մարդ էր:

Հիշեցնենք, Հոկտեմբերի 17-ին՝ ժամը 06:30-ին, Արցախի ՆԳ նախարարության ոստիկանության հերթապահ մասում հաղորդում է ստացվել, որ Ստեփանակերտ քաղաքի Կնունյանցների փողոցում գտնվող Ազատամարտիկների անվան պուրակում դի կա։

Անմիջապես դեպքի վայր մեկնած ոստիկանության փորձաքրեագիտական բաժնի ծառայողները և քննչական կոմիտեի օպերատիվ քննչական խումբը պարզել են, որ դիակը հանդիսանում է Ստեփանակերտ քաղաքի 40-ամյա բնակիչ Ա.Ա.-ն։