Ես Աստված ունեմ, ով ինչքան կուզի, թող խանգարի. Ալ Անանյան

«Իրավունքը» զրուցել է նկարչուհի ԱԼ ԱՆԱՆՅԱՆԻ հետ:

— Այս պահին ի՞նչ ստեղծագործական պրոցեսի մեջ եք:

— Քանի որ ոչ ոք եւ ոչ մի հանգամանք ինձ չի կարող խանգարել, ես միշտ ստեղծագործում եմ: Ստեղծագործում եմ տարբեր ժանրերի մեջ, քանի որ ինչպես ես, այնպես էլ ոչ ոք չի կարող իմանալ իր վաղվա օրը: Կարծում եմ, որ Աստված ինձ համար լավ անակնկալներ ունի: Հենց այնպես չէ, որ ես 15 տարի, առանց որեւէ տեղ աշխատելու, գոյատեւում եմ, դա էլ քիչ է, միշտ ունենում եմ նյութեր եւ կտավներ, որպեսզի ստեղծագործեմ: Այս կյանքում ոչինչ հենց այնպես չի լինում: Ես մեծ համոզմունքով սպասում եմ…

— Արվեստում Ձեզ խանգարո՞ւմ են:

— Խանգարում են, թե՝ ոչ, նույնիսկ իմ արվեստագետ ընկերները կփաստեն, որ արվեստագետի անցած ճանապարհը քարքարոտ է: Ես Աստված ունեմ, ով ինչքան կուզի, թող խանգարի: Ես կարող եմ նաեւ առանց վրձին նկարել, կարող են նաեւ վրձինս վերցնել, ինձ բավական է Աստծո տված շնորհքն ու միտքը, ա՛յ, դա ոչ մեկ չի կարող վերցնել:

— Երկրում տիրող ներկա իրավիճակի մասին ի՞նչ կարծիք ունեք:

— Ցավ եմ ապրում այս ամենի համար: Դեռ այս ցավը մեր սրտերում երկար է մնալու: Թույլ տվեք այս դժվար հարցի շուրջ չկիսել իմ մտքերը:

— Ներկա եւ նախկին իշխանավորների մասին Ձեր վերաբերմունքն ինչպիսի՞ն է:​

— Չեմ ուզում մտնել քաղաքական դաշտ, բայց ուզում եմ ասել, որ մեր երկրում ես չեմ տեսնում ժողովրդավարություն:

ՆՈՒՆԵ ԶԱՔԱՐՅԱՆ

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Թող մեր եռագույնը միշտ հպարտ ծածանվի ազատ և խաղաղ երկնքի տակ Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան