Կեսդարյա «Հորովելը» Գյումրիում

Գյումրու Վ․ Աճեմյանի անվան պետական դրամատիկական թատրոնի բեմահարթակից հոկտեմբերի 21-ին իր 50-րդ հոբելյանական համերգաշրջանն ազդարարեց Վանաձորի «Հորովել» երգի-պարի անսամբլը։

Անսամբլի կեսդարյա պատմությունն իր մեջ ամփոփում է հայ ժողովրդական երգի եւ պարի յուրօրինակ բեմական մշակումներ, որոնք տաղանդավոր արտիստների արդեն մի քանի սերունդ մեծ նվիրումով ներկայացնում է իր հանդիսատեսին ինչպես Հայաստանում, այնպես էլ երկրի սահմաններից դուրս։ Գյումրեցի հանդիսատեսի դատին ներկայացվեցին անսամբլի վերջին տարիների նոր պարային բեմադրություններ, աշուղական եւ գուսանական երգի նոր կատարումներ։

Հանդիսատեսի բուռն ծափողջույնները վկայում էին, որ անսամբլի կատարումները սիրով ընդունվեցին պահանջկոտ գյումրեցի հանդիստեսի կողմից կողմից։ Համերգի վերջում ողջույնի խոսքով հանդես եկան Գյումրու մշակույթի բաժնի պետ Լիլիթ Թովմասյանը, որը Գյումրու քաղաքապետի անունից անսամբլին հանձնեց շնորհակալագիր, եւ Հայաստանի ազգային պարարվեստի Գյումրու բաժանմունքի ղեկավար, ՀՀ մշակույթի վաստակավոր գործիչ Սամվել Գասպարյանը, որը անսամբլին պարգեւատրեց «Աղասի Շաբոյան-100» հուշամեդալով:

Առաջիկայում անսամբլը մենահամերգով հանդես կգա Վանաձորում, իսկ նոյեմբերի 17-ին հոբելյանական համերգաշարը կամփոփվի Երեւանի Ա․Սպենդիարյանի անվան ազգային ակադեմիական օպերայի եւ բալետի թատրոնում։ 

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՌԴ Պետդումայի ընտրություններում ՀԱՊԿ-ի առաքելությունում Հայաստանից դիտորդներ չկան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ