ԱՄՆ ֆինանսական իշխանությունները բարդացրել են դոլարի շրջանառությունն ամբողջ աշխարհում. ՀՀ ԿԲ

ԱՄՆ ֆինանսական իշխանությունները բարդացրել են դոլարի շրջանառությունն ամբողջ աշխարհում։ Սրանով են բացատրվում Հայաստանում արժույթի կանխիկացման սահմանափակումները։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2023թ. պետական բյուջեի նախագծի քննարկման ժամանակ, հոկտեմբերի 31-ին ասել է Կենտրոնական բանկի նախագահ Մարտին Գալստյանը։

Պատասխանելով պատգամավորների այն հարցին, թե ինչու են հանրապետությունում բարձրացել կանխիկացման միջնորդավճարները, Գալստյանը, մասնավորապես, ասել է, որ հայկական դրամի դեպքում սակագներ չկան։ «Դրանք ավելացել են միայն արտարժույթի դեպքում, քանի որ ցանկացած արտարժույթ ենթարկվում է այն երկրի քաղաքականությանը, որն այն թողարկում է։ Եթե առաջ հայկական բանկերը կարող էին կանխիկ դոլար ներգրավել 0,1-02 տոկոսով, ապա հիմա այդ դրույքն ավելացել է, իսկ պրոցեդուրաները բարդացել են։ Դրանք բարդացել են ընդհուպ մինչեւ այն, որ ընդունող բանկերից պահանջում են նշել, թե ում է տրվում կոնկրետ թղթադրամը»,- ասել է ԿԲ ղեկավարը։

Ընդհանուր առմամբ, ինչպես նշել է Գալստյանը, դրանք շարունակում են անկանխիկ շրջանառության ընդլայնման քաղաքականությունը։