ԻՆՖՈՊԱՏԵՐԱԶՄՈՒՄ ԽՈՒՆՏԱՆ ԶՈՐԱԿՑՈՒՄ Է ՈՍՈԽԻՆ

Ֆեյս­բու­քը, իր բո­լոր վատ կող­մե­րով հան­դերձ, մի օգ­տա­կար հատ­կու­թյուն ու­նի` հի­շեց­նում է, թե ինչ գրա­ռում ես ա­րել այդ օ­րը մեկ, եր­կու և ա­վել տա­րի ա­ռաջ: Եվ ա­հա Ցու­կեր­բերգ Ֆեյս­բու­քի­չը բե­րեց իմ մեկ տար­վա վա­ղե­մու­թյան գրա­ռու­մը. «Թշնա­մու ա­մե­նա­մեծ հե­նա­կե­տը Ե­րև­ա­նի կենտ­րո­նում է՝ Հան­րա­պե­տու­թյան հրա­պա­րա­կում»: Փաս­տո­րեն մեկ տար­վա ըն­թաց­քում ո­չինչ չի փոխ­վել...

ՔԱ­ՐՈԶ­ՉԱ­ԿԱՆ ԳՐՈՀ` ՀՕ­ԳՈՒՏ ԹՈՒՐ­ՔԻ

Այն, որ Հ1-ով կա­պի­տու­լյան­տի ինք­նա­հար­ցազ­րույ­ցը, բա­ցի տի­ե­զե­րա­կան ստե­րից, ծա­ռա­յում էր ադր­բե­ջա­նա­թուր­քա­կան նա­րա­տիվ­նե­րի ա­ռաջ­խա­ղաց­մա­նը, շատ է աս­վել: Դրա մաս­նա­կի «հեր­ձու­մը» ներ­կա­յաց­րել է­ինք նա­խորդ հա­մա­րում, և դրան մնում է հա­վե­լել թե­րևս այս տա­րօ­րի­նակ գա­ղա­փա­րը` «Ինչո՞ւ մին­չև հի­մա չենք բարձ­րա­ձայ­նում, որ Ղա­րա­բաղն Ադր­բե­ջա­նի կազ­մում է»: Օ­րի­նակ, կա­րո՞ղ եք պատ­կե­րաց­նել Ճա­պո­նի­ա­յի ո­րև­է վար­չա­պե­տի, որ ա­սի. «Ինչո՞ւ մին­չև հի­մա չենք բարձ­րա­ձայ­նում, որ Կու­րի­լյան կղզի­նե­րը ՌԴ-ի կազ­մում է»: Կամ` կիպ­րոս­ցի հույն գործ­չի, որ այդ­պես ար­տա­հայտ­վի Թուր­քի­ա­յի զավ­թած Հյու­սի­սա­յին Կիպ­րո­սի մա­սին... օ­րի­նակ­ներն ան­չափ շատ են աշ­խար­հով մեկ, պար­զա­պես այ­լոց չի վի­ճակ­վել ու­նե­նալ Նի­կոլ և ՔՊ:

Եվ դա այն պայ­ման­նե­րում, երբ ռազ­մա­կան փոր­ձա­գետ, ԱԺ պատ­գա­մա­վոր Տիգ­րան Աբ­րա­հա­մյանն ա­հա­զան­գում է. «Ադրբե­ջա­նի տե­ղե­կատ­վա­կան ճա­կա­տում Հա­յաս­տա­նի նկատ­մամբ բա­ռա­պա­շա­րը սրվում է: Թե այս հան­գա­ման­քը ինչ­քա­նով է կապ­ված ա­ռաջ­նագ­ծում սպաս­վող նոր զար­գա­ցում­նե­րի հետ, դժվար է մի­ան­շա­նակ ա­սել, սա­կայն այն, որ սա Հա­յաս­տա­նի դեմ նոր շան­տա­ժի այս փու­լի մեկ­նարկ է՝ մի­ան­շա­նակ է: Որ­քան, այս­պես կոչ­ված, «խա­ղա­ղու­թյան պայ­մա­նագ­րի» կուլ­մի­նա­ցի­ան մո­տե­նում է, այն­քան ի­րա­դար­ձու­թյուն­ներն ա­ռա­վել ան­կան­խա­տե­սե­լի ըն­թացք են ստա­նում»: Եվ այդ պայ­ման­նե­րում խուն­տա­յի ձեռքն ըն­կած պե­տա­կան ռե­սուր­սը քիչ է, որ չի պա­տաս­խա­նում թշնա­մուն հա­կա­հար­ված տա­լու հա­մար, մի բան էլ խան­գա­րում է մեր փոր­ձա­գետ­նե­րի և ընդ­դի­մա­դիր­նե­րի ջան­քե­րին: Փաս­տո­րեն, ՀՀ քա­ղա­քա­ցի­նե­րի հա­վա­քա­կան մտա­հո­գու­թյունն ար­տա­հայ­տող գոր­ծիչ­նե­րը ոչ մի­այն կռվում են և՛ ի­րենց, և՛ պե­տա­կան ռե­սուր­սի փո­խա­րեն, այ­լև ստիպ­ված են չե­զո­քաց­նել թրքահ­պա­տակ խուն­տա­յի գրոհ­նե­րը:

Armenian info բլո­գի դի­տարկ­մամբ` «Ֆեյս­բու­քից» «Թվի­թեր» չված Նի­կո­լը վեր­ջին գրառ­մամբ ար­ձա­նագ­րել է, թե ինչ­պես է Ադր­բե­ջա­նը, որ Ար­ցա­խի հա­յե­րին իր քա­ղա­քա­ցի­ներն է կո­չում, կրա­կում նրանց վրա գյու­ղատն­տե­սա­կան աշ­խա­տանք­ներ կա­տա­րե­լիս: «2020 թվա­կա­նի նո­յեմ­բե­րի 9-ից հե­տո գրանց­վել է սպա­նու­թյան փոր­ձի 54 դեպք, սպան­վել է 3 քա­ղա­քա­ցի­ա­կան անձ, վի­րա­վոր­վել 16-ը: Ար­դյո՞ք սա է ադր­բե­ջա­նա­կան կող­մի՝ «ԼՂ հար­ցը լուծ­ված է» նա­րա­տի­վի կյան­քի կո­չու­մը»,- հայտ­նել է «վի­ճա­կա­գիր» Նի­կո­լը: Բլո­գը հար­ցադ­րում է. «Ենթադ­րենք՝ Ադր­բե­ջա­նը մտավ ու ցե­ղաս­պա­նեց ար­ցա­խա­հա­յու­թյա­նը, է­լի Նի­կո­լը վի­ճա­կագ­րու­թյո՞ւն է հրա­պա­րա­կե­լու՝ մուն­նաթ գա­լով օ­տար­նե­րի վրա, թե՞ վեր­ջա­պես քրտնած հե­տույ­քը շար­ժե­լու է՝ կյան­քի նշան­ներ ցույց տա­լով»:

Սա­կայն կա­պի­տու­լյան­տը «կյան­քի նշան­ներ» ցույց է տա­լիս մի­այն ե­թե մի բան սպառ­նում է ան­ձամբ իր ա­թո­ռին: Նա «կյան­քի նշան­ներ» ցույց չի տա­լիս նա­և պո­զի­տիվ ի­րա­դար­ձու­թյուն­նե­րի դեպ­քում: Օ­րի­նակ` Ֆրան­սի­ա­յի Սե­նա­տի գրե­թե մի­ա­ձայն բա­նա­ձև­ը: Ար­ցա­խի պետ­նա­խա­րար Ռու­բեն Վար­դա­նյանն ու Ար­ցա­խի ԱԳՆ-ն ար­դեն հայտ­նել են ի­րենց ե­րախ­տա­գի­տու­թյու­նը, սա­կայն թրքա­հարճ ՔՊ-ի «գլո­բու­սի» վրա կար­ծես թե Ֆրան­սի­ա չկա, թե­և Նի­կո­լը ամ­սի 19-ին պի­տի հան­դի­պի Մակ­րո­նի հետ:

Սե­նա­տի կող­մից ըն­դուն­ված բա­նա­ձև­ը դա­տա­պար­տում է Ադր­բե­ջա­նի ագ­րե­սիվ և հա­յա­տյաց քա­ղա­քա­կա­նու­թյու­նը Հա­յաս­տա­նի և Ար­ցա­խի նկատ­մամբ: Փաս­տաթղ­թում վե­րա­հաս­տատ­վում է Լեռ­նա­յին Ղա­րա­բա­ղի Հան­րա­պե­տու­թյու­նը ճա­նա­չե­լու և այդ ճա­նա­չու­մը որ­պես բա­նակ­ցա­յին գոր­ծիք կի­րա­ռե­լու անհ­րա­ժեշ­տու­թյու­նը՝ տև­ա­կան խա­ղա­ղու­թյուն հաս­տա­տե­լու նպա­տա­կով: Բա­նա­ձև­ում ընդգծ­վում է, որ Ադր­բե­ջա­նի կրկնվող ագ­րե­սիվ գոր­ծո­ղու­թյուն­նե­րը Լեռ­նա­յին Ղա­րա­բա­ղի նկատ­մամբ սպառ­նում են ար­ցա­խա­հա­յու­թյան անվ­տան­գու­թյանն ու ա­զա­տու­թյա­նը:

...Եվ լի­քը այլ հա­ճե­լի բա­ներ, ո­րոնք Ար­ցա­խի, ՀՀ իշ­խա­նու­թյան և սփյուռ­քի քրտնա­ջան աշ­խա­տան­քի դեպ­քում կա­րող են դառ­նալ ուժ­գին հար­ված Բաք­վի ա­րյու­նոտ մռթին: Սա­կայն ՀՀ իշ­խա­նու­թյունն այդ գոր­ծըն­թա­ցում բա­ցա­կա­յող, ան­գամ խո­չըն­դո­տող մի­ա­վոր է:

ԻՆ­ՉՈՒ ՀՀԿ-Ն ՎԵ­ՐԱ­ԴԱՐ­ՁԱՎ ԽՈՐՀՐ­ԴԱ­ՐԱՆ

Ֆեյս­բու­քը նա­և հի­շեց­րեց, որ 2018-ին կա­ռա­վա­րու­թյան ընդ­լայն­ված նիս­տին Ա­լի­և­ը գլուխ է գո­վա­ցել, որ մեծ ներդ­րում է ու­նե­ցել «թավ­շիստ­նե­րի» հաղ­թա­նա­կի և Սերժ Սարգ­սյա­նի հե­ռաց­ման գոր­ծում: Դե, Ա­լի­և­ը չի ստում, Նի­կո­լը ի­րենց խա­մա­ճիկն է: Պատ­կե­րաց­նում եք, չէ՞ ինչ գոր­ծու­նե­ու­թյուն կծա­վալ­վեր Ֆրան­սի­ա­յի Սե­նա­տի բա­նա­ձև­ի շուրջ, և ինչ ա­ռա­ջըն­թաց կար­ձա­նագր­վեր, ե­թե պե­տու­թյան գլուխ լի­ներ Սերժ Սարգ­սյանն իր թի­մով: Իսկ սրանք ըն­դու­նակ են մի­այն սրի­կա­յու­թյան: Մա­մուլն ար­դեն գրել է, որ խուն­տան կա­տա­ղու­թյու­նից փրփրել է «Իշխա­նու­թյուն 2» ֆիլ­մի ցու­ցադ­րու­թյան փաս­տից, և ա­սում են, որ սրանք փնտրում են ֆիլ­մի ստեղ­ծող­նե­րի վրա քրե­ա­կան գոր­ծեր կա­րե­լու ու­ղի­ներ:

Պե­տա­կան ար­տա­քին քա­ղա­քա­կան ջան­քե­րի վա­կո­ւու­մի պայ­ման­նե­րում էլ ընդ­դի­մու­թյու­նը վե­րա­դար­ձավ ԱԺ: Է­դու­րարդ Շար­մա­զա­նո­վը փաս­տում է, որ նոր ի­րո­ղու­թյուն­նե­րի պայ­ման­նե­րում ՀՀԿ-ի վե­րա­դարձն ար­դա­րաց­ված է. «Ինչու՞ են հան­րա­պե­տա­կան­նե­րը վե­րա­դառ­նում խորհր­դա­րան:

Ակն­հայտ է՝ կա նոր ի­րո­ղու­թյուն:

Փաստ է, որ 1,5 ա­միս տե­ւած ակ­տիվ փո­ղո­ցա­յին պայ­քարն իր վերջ­նա­կան նպա­տա­կին չի հա­սել:

Իսկ նպա­տա­կը՝ Նի­կո­լի հե­ռա­ցումն էր:

Հան­րա­պե­տա­կա­նի նպա­տա­կը մնա­ցել է նույ­նը, բայց փո­ղո­ցա­յին պայ­քա­րի ոչ լի­ար­ժեք ակ­տի­վու­թյան պայ­ման­նե­րում հրա­ժար­վել խորհր­դա­րա­նա­կան գոր­ծի­քա­կազ­մից (վե­րահս­կո­ղու­թյու­նից, խորհր­դա­րա­նա­կան դի­վա­նա­գի­տու­թյան ըն­ձե­ռած հնա­րա­վո­րու­թյուն­նե­րից) առն­վազն տա­րա­կու­սե­լի կլի­ներ:

Մի­ջազ­գա­յին ակ­տոր­նե­րը պետք է լսեն ազ­գա­յին ու պե­տա­կան շահ սպա­սար­կող փաս­տարկ­ված խոսք:

Նի­կո­լիս­տա­կան ռե­ժի­մը դա ոչ կա­րող է ու ոչ էլ ցան­կա­նում է ա­նել:

Ու ե­թե հան­րա­հա­վաք­նե­րի ժա­մա­նակ այդ խոս­քը հնչում էր հար­թա­կից, ա­պա հի­մա այն չհնչեց­նե­լը խորհր­դա­րա­նա­կան դի­վա­նա­գի­տու­թյան խո­ղո­վակ­նե­րով հա­վա­սա­րա­զոր կլի­նի հանձն­վե­լուն:

...ՀՀԿ բո­լոր պատ­գա­մա­վոր­նե­րը ա­պա­ցու­ցել են, որ ե­ղել են ու կան պայ­քա­րի ա­ռաջ­նագ­ծում: Այ­սօր, երբ պայ­քա­րի խրա­մա­տը անց­նում է նա­եւ խորհր­դա­րա­նա­կան վե­րահս­կո­ղու­թյան ու դի­վա­նա­գի­տու­թյան ճա­կա­տով՝ հան­րա­պե­տա­կան պատ­գա­մա­վոր­նե­րը կլի­նեն այն­տեղ»:

Նա­և Նա­րեկ Սամ­սո­նյա­նը տրա­մա­բա­նա­կան ա­ռար­կու­թյուն է ներ­կա­կաց­նում բո­լոր այն տնայ­նա­բույծ ա­մե­նա­գե­տիկ­նե­րին, ով­քեր ո­չինչ չա­նե­լով, բե­րա­նը ծռե­լով ա­սում են` վե­րա­դառ­նում են, որ ի՞նչ ա­նեն... Ե­թե խորհր­դա­րա­նա­կան ընդ­դի­մու­թյու­նը չի կա­րո­ղա­նում փո­ղո­ցով ի­րա­կա­նաց­նել իշ­խա­նա­փո­խու­թյուն, ա­պա ԱԺ-ի բոյ­կո­տը դառ­նում է ինք­նան­պա­տակ և ա­վե­լին` այն շա­րու­նա­կե­լու դեպ­քում ընդ­դի­մու­թյու­նը, չա­նե­լով իշ­խա­նա­փո­խու­թյուն, զրկվում է ման­դատ­նե­րից: Ման­դատ­նե­րից զրկվե­լուց հե­տո խորհր­դա­րա­նա­կան ընդ­դի­մու­թյա­նը փո­խա­րի­նե­լու են գա­լիս (արտա­հերթ ընտ­րու­թյուն­նե­րի մի­ջո­ցով) ա­րամ­սարգ­սյան­ներն ու ար­ման­բա­բա­ջա­նյան­նե­րը և նման այլ քա­ղա­քա­կան թա­փոն­նե­րը: Ար­դեն ար­տա­խորհր­դա­րա­նա­կան դար­ձած ներ­կա­յիս ընդ­դի­մու­թյու­նը դրա­նից հե­տո նո­րից չի կա­րո­ղա­նում փո­ղո­ցով իշ­խա­նա­փո­խու­թյուն ա­նել, բայց ար­դեն ԱԺ-ում և՛ նոր, ըստ է­ու­թյան գրպա­նա­յին ընդ­դի­մու­թյու­նը, և՛ իշ­խա­նու­թյու­նը կողմ են լի­նում ադր­բե­ջա­նա­թուր­քա­կան քիր­վա­յու­թյա­նը և դե­պի նոր ցե­ղաս­պա­նու­թյուն տա­նող «խա­ղա­ղու­թյան օ­րա­կար­գին»:

Այն­պես որ, ազ­նիվ կույ­սի կեց­վածք որ­դեգ­րած «ընդդի­մու­թյան ընդ­դի­մու­թյուն» խա­ղա­ցող­նե­րը լավ էլ գի­տակց­ված, ին­ֆո­պա­տե­րազ­մում նպաս­տում են Նի­կո­լին, հե­տև­ա­բար` ո­սո­խին: Իսկ ե­թե չեն գի­տակ­ցում` ա­վե­լի վատ... Չե՞ք օգ­նում` գո­նե մի՛ խան­գա­րեք, և ա­ռաջ­նորդ­վեք «Shut up» կամ «Зат­кни­тесь» բա­նա­ձև­ով` ձեր ճա­շա­կին հա­մա­պա­տաս­խան...

 ՀՈՎ­ՀԱՆ­ՆԵՍ ԳԱ­ԼԱ­ՋՅԱՆ