Բեյլը` ԱԱ-ում Ուելսի անհաջողության մասին

Ուելսի հարձակվող Գարեթ Բեյլը մեկնաբանել է Կատարում ընթացող աշխարհի առաջնության երրորդ տուրում Ուելսի հավաքականի պարտությունը 3:0 հաշվով եւ խմբում ընդամենը մեկ միավոր վաստակելը.

«Դժվար հանդիպում էր շատ լավ թիմի դեմ: Մենք հիասթափված ենք արդյունքից, բայց պետք է հպարտանանք, որ առհասարակ հայտնվել էինք աշխարհի առաջնությունում: 

Ներդրեցինք առավելագույն ջանքերը և բոլորս հանդերձարանից դուրս ենք գալիս գլուխներս բարձր և հպարտանում արդյունքով: Կարող էինք ավելի լավ ելույթ ունենալ, բայց սա է իրականությունը:

Անգնահատելի փորձ կուտակեցինք՝ մասնակցելով վերջին 4 խոշոր մրցաշարերից երեքին»,- Բեյլի խոսքը մեջբերում է BBC-ն:

Հիշեցնենք, որ B խմբում 7 միավորով հաղթեց Անգլիայի հավաքականը, 5 միավորով երկրորդ տեղը զբաղեցրեց ԱՄՆ-ն։

Իրանի ակտիվում կա 3 միավոր, իսկ Ուելսի` 1։ Վերջին երկու ընտրանիները հավաքեցին ճամպրուկները։