ԱԱ-2022. Արգենտինան և Լեհաստանը 1/8 եզրափակչում են

ԱԱ-2022-ի C խմբի 3-րդ տուրում Արգենտինայի հավաքանը մրցեց Լեհաստանի դեմ։

Արգենտինան հաղթեց 2:0 հաշվով,  մեկական անգամ աչքի ընկան Ալեքսիս Մաքալիսթերն ու Խուլիան Ալվարեսը։

Նշենք, որ առաջին կեսում 11-մետրանոցից վրիպեց Լեո Մեսսին, ում հարվածը ֆանտաստիկ սեյվով հետ մղեց Վոյցեխ Շյեսնին։

Այս խմբի մյուս խաղում  Մեքսիկան 2:1 հաշվով հաղթեց Սաուդյան Արաբիային, երկու թիմերն էլ լքեցին հետագա պայքարը։

Խմբում առաջին տեղը 6 միավորով զբաղեցրեց Արգենտինան, Լեհաստանը երկրորդն է 4 միավորով, Մեքսիկան ևս իր ակտիվում ունի 4 միավոր, Սաուդյան Արաբիան 3 միավորով եզրափակում է խմբի մրցաշարային աղյուսակը։