Վաղը կարող է Ալիեի մտքին փչի, որ ասենք պետք է մտնեն մեր տները մոնիտորինգ անեն՝ տեսնեն զենք ունե՞նք, թե՞ չէ․ ԱՀ նախագահի հատուկ ներկայացուցիչ

Այսօրվա դրությամբ Ռուսաստանի դաշնությունն է միակ երկիրը, որը ի զօրու պաշտպանել Արցախի ժողովրդին, որովհետեւ մեր Ռուսաստանի շահերը այս համատեքստում համընկնում են, ՌԴ-ն մեր միակ բնական դաշնակիցն է։ Անդրադառնալով Լաչինի միջանցքը փախելու Ադրբեջանի փորձերին, ասաց արցախյան առաջին պատերազմի հրամանատար, անվտանգային եւ տարհանվածների հարցերով Արցախի նախագահի հատուկ ներկայացուցիչ ՎԱՀԱՆ ԲԱԴԱՍՅԱՆԸ, հավելելով․

-Հիմա Ադրբեջանը պարբերաբար փորձում է խախտել նոյեմբերի 9-ի համաձայնագրի կետերը․ չմոռանանք՝ Փառուխի օպերացիան, Խրամորթը, ՀՀ-ի տարածքների վրա պրովակացիան ու այսպես շարունակ։ Իսկ նպատակը մեկն է վախեցնել, ճնշել արցախահայությանը, որպեսզի արցախահայերը առանց ռազմական միջամտության դուրս գանԱրցախից։ Բայց Ալիեւը շատ լավ տեսնում է, որ արցախահայերը վախեցող չեն, դա նա շատ լավ գիտի։ Հիմա էլ, տեսնելով, որ Ռուսաստանի գլուխը խառն է Ուկրաինայով, որոշել անցնել Լաչինի միջանցքին, այդ կերպ փորձելով մեզ՝ արցախցիներիս տանելով իքնասպանության, բարոյական ահաբեկումներով ազատել Արցախի տարածքները։ Բայց Ալիեւը, իր հաշվարկներում սխալվել է ինչպես միշտ, որովհետեւ արցախահայությունը չի գնա ինքնասպանության ճանապարհով՝ մեզ ոչ իրենց սկան ապարատներն են վախեցնելու, ոչ էլ զինված հատուկ ջոկատայինները։ Միեւնույն ժամանակ Ալիեւը քաջ գիտակցում է, որ ինչքան էլ Ռուսաստանի վիճակը վատ լինի, եթե Աստված մի արասցե Ադրբեջանը հարձակվի Արցախի վրա, ռուսները դա չեն հանդուրժի՝ ընհուպ կհրետակոծեն Բաքուն։ Մենք չպետք է ահաբեկվենք Ալիեւի սադրանքներից, վաղը կարող է Ալիեի մտքին փչի, որ ասենք պետք է մտնեն մեր տները մոնիտորինգ անեն՝ տեսնեն զենք ունե՞նք, թե՞ չէ, ես դա էլ չի բացառվում։ Մենք պետք է իմանանք, որ Ադրբեջանի գլխավոր խնդիրը Արցախը արցախցիներից հայաթափելն է, ինչի դեմ մենք պետք է ամեն գնով դիմադրենք։

ԻԼՈՆԱ ԱԶԱՐՅԱՆ