Եթե երկրորդ հորիզոնականում եմ, ուրեմն՝ արժանի եմ դրան. Նարե Ղազարյան

Հաղթանակի բերկրանքը մոտ էր, բայց այն չիրականացավ: «Մանկական Եվրատեսիլ»-ում հայաստանյան պատվիրակ Նարե Ղազարյանն իր «Պարիր» երգով հայտնվեց երկրորդ հորիզոնականում: Մրցույթի ավարտից հետո Նարեն անկեղծացավ, որ սկզբում հուզվել է, իսկ այժմ ուրախ է:

«Վստահ էի՝ կհայտնվեմ լավագույն հնգյակում, քանի որ պրոֆեսիոնալ թիմի հետ եմ աշխատել: Քվեարկության ժամանակ հուզվել էի, երջանկության արցունքներ էին: Ես իրատես եմ ու քաջ գիտակցում եմ՝ եթե երկրորդ հորիզոնականում եմ, ուրեմն՝ արժանի եմ դրան: Ուրախ եմ, որ Ֆրանսիան հաղթեց, քանի որ Լիսսանդրոն շատ լավ ելույթ ունեցավ», -ընդգծեց Նարեն:   

Պարզվում է՝ եվրատեսիլյան մասնակիցները մի քանի օրվա ընթացքում բավական մտերմացել էին միմյանց հետ: Ավելին՝ Նարեն 3 անգամ հենց ինքն է քվեարկել Իռլանդիայի, Իսպանիայի եւ Միացյալ Թագավորության պատվիրակների օգտին:

Հիշեցնենք, որ այս տարի մրցույթին մասնակցում էին 16 երկիր՝ Ալբանիան, Իռլանդիան, Իտալիան, Իսպանիան, Լեհաստանը, Հայաստանը, Հյուսիսային Մակեդոնիան, Ղազախստանը, Մալթան, Նիդեռլանդները, Պորտուգալիան, Սերբիան, Ուկրաինան, Միացյալ Թագավորությունը, Վրաստանը, Ֆրանսիան: Մրցույթում հաղթեց Ֆրանսիայի պատվիրակ Լիսսանդրոն իր «Օ՜հ մամա» երգով:

ՀՐԱՆՏ ՍԱՐԱՖՅԱՆ

Այս թեմայով Հայտնի է՝ ով կներկայացնի այս տարի Հայաստանը մանկական Եվրատեսիլում Կարևոր չի՝ Փաշինյանն ու մյուսները ինչ տեսքտով են երդվելու, մեկ ա՝ երդմնազանց են լինելու. Էդգար Ղազարյան «Չե՞ք ուզում հրաժարական տալ, որ արժանի ԱԺ նախագահ ընտրենք», «Տափակ հումոր էր, չեմ պատրաստվում» Պատկերացրեք՝ Փաշինյանն է ասում. «Երդվում եմ ծառայել Ադրբեջանին, կատարել Ալիևի ասածները» Մարիա Կարապետյանը թող ասի, թե ինչ առնչություն է ունեցել Թուրքիայի ու Ադրբեջանի հետ. Ղազարյան