«Այլ երկրների համար Արցախն ընդամենը քաղաքականություն է».ՇՊՌՈՏ

«Իրավունքը» զրուցել է ԱՄՆ-ում բնակվող երգչուհի ՇՊՌՈՏԻ հետ:

— Արցախի շրջափակման վերաբերյալ ի՞նչ արձագանք կա Միացյալ Նահանգներում:

— Իհարկե, Սփյուռքը շատ է ցավում: Ամեն օր խոսում ենք ընկերներով եւ անճարությունից չգիտենք՝ ինչպես վարվենք: Կոնկրետ ես՝ աղոթում եմ անդադար:

— Մի՞թե այս ամենը տեսնելով՝ հավատ է ներշնչում խաղաղության պայմանագիրը, ինչի մասին շարունակում է խոսել իշխանությունը:

— Այս ամենը տեսնելով՝ հասկանում եմ, որ ազգիս հրաշք է պետք: Իմ միակ հույսն Աստված է: Մեզ միայն հրաշքը կփրկի: Ես չեմ հավատում կամ սպասում ինչ-որ փոփոխություն քաղաքական գործիչների կողմից: Այլ երկրների համար Արցախն ընդամենը քաղաքականություն է: Արցախով մեզ վերահսկում է ռուսը, իսկ ամերիկացին Արցախով ռուսին է քշում: Իսկ ադրբեջանցիներն էլ օգտվում են իրավիճակից՝ մեզ ավելի թուլացնելով:

— Հրդեհում մի գիշերվա մեջ այրվել են 15 զինծառայող: Ձեր կարծիքը ստեղծված իրավիճակի մասին ինչպիսի՞ն է:

— Ես, ճիշտ է, չգիտեմ՝ ինչ է տեղի ունեցել: Հասկանում եմ, որ կարող է սարքած լինել, բայց թե ում կողմից, չգիտեմ՝ թշնամո՞ւ, թե՞ ներքին թշնամու: Ինչ խոսք, հերքում են, ինչպես Սուրմալուի հրդեհի ժամանակ հերքեցին:

— Այս ամենից հետո՝ ո՞րն է մեր ապագան: Դուք տեսնո՞ւմ եք իշխանության խոստացած՝ «Ապագա կա»-ի արդյունքները:

— Իրենց համար հաստատ ապագա չկա, իսկ ազգիս համար կա: Քանի դեռ Աստծուց լիովին չենք հեռացել, հույս կա: Ըստ իս, այդ՝ ապագա կա ասողների օրերը հաշված են: Ուղղակի, չգիտեմ՝ հաջորդները, որ գան, արդյո՞ք էլի դրածո չեն լինի: Բայց հուսալով Տիրոջը՝ ուզում եմ հավատալ, որ կունենանք պետականամետ-հայակենտրոն ղեկավար: Հուսանք եւ աղոթենք, որպեսզի Տերը ողորմի… Մեր հոգիներին փրկություն եւ երկրին խաղաղություն:

ՆՈՒՆԵ ԶԱՔԱՐՅԱՆ

Այս թեմայով Մեր վեհափառին թիրախավորում են, քահանաներին` բանտարկում` հայրենասիրության պատճառով. Շպռոտ Շպռոտն ամերիկյան կյանքի, ամուսնու, ընտանեկան արժեքների ու Հայաստանի կարոտի մասին  Մի բան էն չի էս տեսարանի մեջ․ Շպռոտ Այս գլխարկով սևամորթ կանայք թաղում են գնում. Շպռոտ Այս իշխանությունները պարզապես խամաճիկներ են եւ կատարողներ. Անի Թովմասյանի (Շպռոտ)