«Տեր փնտրողը միշտ էլ կմնա ստրուկ». ԱՐՏԱՇԵՍ ԱԼԵՔՍԱՆՅԱՆ

 «Իրավունքը» զրուցել է ՀՀ վաստակավոր արտիստ ԱՐՏԱՇԵՍ ԱԼԵՔՍԱՆՅԱՆԻ հետ:

— Այսօր շատերն են խոսում հայրենիքի՝ օր առաջ փրկության անհրաժեշտության մասին, բայց հայրենիքը շարունակում է սրընթաց գահավիժել: Ինչո՞ւ չի հաջողվում իրապես գտնել փրկության ճանապարհը:

— Այս առիթով բերեմ մեկ օրինակ՝ օտարազգի գործակալ Արմեն Չիբուխչյանը կենսագրություն չունեցող եւ հայրենիքի համար ոչինչ չարած հեռուստահաղորդավարն այսօր խոսում է հայրենիքի փրկության մասին: Լյա-լյա-լյու-լյու անելով՝ երկիր չես փրկի, այ ոչ թե վերլուծաբան, այլ՝ վերԼՈՒԾաԲԱՆ: Ողջ հարցազրույցները պարունակում են մեծամասամբ օրինակ՝«գուցե»-ներ՝ առանց կոնկրետ փաստերի: Խոսում է օտարազգի բառեր չօգտագործելուց, բայց ինքը մեկ հարցազրույցի ժամանակ օգտագործում է բազմաթիվ բառեր՝ թայ, МЧС, կլինիկա, պացիենտ, թասիբ եւ այլն: Քննադատելով հայ հասարակությանը՝ իրեն անջատում է եւ դիմում. «Դուք ձեզ կողքից նայեք, ա՛յ, ժողովուրդ: Կամ դուք թուրքերին չեք սիրում…» (խոսքը՝ Թուրքիայի երկրաշարժից տուժածների մասին է): Երբ հասարակության որոշ զանգված, վրեժից դրդված` ուրախություն էր ապրել: Իսկ դու սիրո՞ւմ ես այ… էլ չասեմ ինչ: Դեռ Գարեգին Նժդեհն է ասել՝ ամենալավ թուրքը մեռած թուրքն է: Մեծ վիշտ ես ապրում թշնամի ժողովրդի ու նրանց երեխաների համա՞ր: Այ… նրանցը երեխաներ են, մերը՝ ո՞չ: Երբ ունենք 5 հազար զոհ, 10 հազար հաշմանդամ՝ չհաշված գերիներին…

— Պարոն Ալեքսանյան, ինչո՞ւ եք այդքան վրդովված կոնկրետ այս օրինակով:

— Թուրքի հետեւորդը հունից դուրս էր եկել իմ հարցազրույցում վերադաստիարակման գաղափարից՝ չիմանալով, որ ամեն քարոզիչ եւ արվեստագետ իր ազգի հյուսող թելն է: Առողջ եւ գրագետ սերունդ ունենալու համար պետք է վերադաստիարակել հասարակությանը, որ դավաճաններն ու օտարերկրյա գործակալները վերանան հայրենիքից: Եվ հետո անդրադարձ եղավ իմ մասնագիտությանը, որ Նժդեհից հետո խաղացել եմ գողականի եւ այլ կերպարներ սերիալներում: Ա՛յ տգետ, եթե խաղացել եմ Նժդեհ, հետո՝ գողական, որը դա դու ընդունել եւ արտահայտվում ես, ուրեմն՝ կերպարները հաջողվել են: Եվ դա բնորոշ է արտիստին: Իսկ իմ մասնագիտությունը հենց դա է: Մենք մեր գործով ենք դաստիարակում, ոչ թե ձեր նման չկայացած վերԼՈՒԾաԲԱՆներով, որ միայն բլբլացնում են: Դու տարիներ շարունակ հեռուստատեսությամբ ստահոդ լուրեր ես հաղորդել հասարակությանը եւ ստրկաբար ծառայել տերերին: Ցավում եմ, որ ֆիլմ, սերիալ դիտելու կանոններին ծանոթ չեք, բայց երբեք ուշ չէ սովորել եւ սովորեցնել ձեր երեխաներին: Եթե վատն է ցուցադրվում իր վախճանով, ուրեմն՝ բարի եղիր բացատրել՝ սա է չարի վերջը: Դուք՝ գործակալներդ, ծառայում եք ձեր տերերին եւ գրանտներին: Ասա ընկերդ ով է, ասեմ ով ես դու: Հեռվից հայրենիք սիրող, բլբլացնող եւ իբրեւ պայքարող սուտ հայրենասերներ, բայց գործնականում ոչինչ չանող… Այդ մենք ենք գործնականում ծառայություններ մատուցում:

— Դուք քննադատում եք մյուսներին, կթվարկե՞ք՝ կոնկրետ Դուք ի՞նչ եք արել հայրենիքի համար:

— Մասնակցել եմ արցախյան բոլոր պատերազմներին՝ որպես «Սեւ հովազ» ջոկատի մարտիկ: Որպես մտավորական՝ ստեղծել եմ բազմաթիվ փաստավավերագրական եւ խաղային ֆիլմեր, տեսահոլովակներ եւ պոեզիա: Դրանք տարածելով համացանցում՝ փորձել եմ վերադաստիարակել եւ արմատից չկտրել մեր սերունդներին: Համառոտ այսքանը… Եթե կա առարկություն, հրավիրում եմ հեռուստաբանավեճի ցանկացած հեռուստաեթերով…

ՆՈՒՆԵ ԶԱՔԱՐՅԱՆ

Այս թեմայով Թող մեր եռագույնը միշտ հպարտ ծածանվի ազատ և խաղաղ երկնքի տակ Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին