Աշխարհի չեմպիոնը հրաժարվել է 683 հազար եվրոյից՝ խնդրելով փոխանցել այն հայկական բանակին

Փետրվարի 18-ին նախատեսված կարեւոր մենամարտից առաջ՝ անչափ հուզիչ դեպք է տեղի ունեցել MMA (ECF) վարկածով աշխարհի բացառիկ չեմպիոն ԷԴԳԱՐ ՍՈՂՈՄՈՆՅԱՆԻ հետ:

Ֆրանսիացի տարեց մի կին՝ ԷՍՏԵԼԼԱ ՎԵՐՐՈՆԸ, որը 4 տարի առաջ այրիացել է եւ այժմ տառապում է կոկորդի քաղցկեղով, գիտակցելով, որ իրեն քիչ կյանք է մնացել՝ որոշել է 683 հազար եվրո նվիրաբերել չեմպիոնին՝ իր սպորտային կարիերայում ներդնելու համար: Նա հրապարակային դիմել է հայազգի մարզիկին՝ խնդրելով չմերժել իր վերջին ցանկությունը:

Ի պատասխան՝ Էդգար Սողոմոնյանը նույնպես հրապարակային շնորհակալություն է հայտնել տիկինոջը՝ մասնավորապես նշելով. «Աստված Ձեզ պահապան, առողջություն Ձեզ: Շնորհակալ եմ այդ գումարի համար: Բայց Դուք ինձ ավելի կուրախացնեք, եթե այդ գումարը փոխանցեք մեր հայկական բանակին»:

Նշենք, որ երկու օր անց Նյու Յորքում սպասվում է Էդգար Սողոմոնյանի եւ ամերիկացի Մայք Բրաունի միջեւ մենամարտը: Այն առանձնահատուկ հանրային ուշադրության է արժանացել, քանի որ Էդգար Սողոմոնյանի մրցակցի ընկերուհին թուրք է, իսկ մրցակցին՝ ակտիվ սատարում է թուրք-ադրբեջանական տանդեմը: Սոցցանցերում մրցակիցը բազմաթիվ տեսանյութեր է պատրաստել Էդգար Սողոմոնյանի դեմ՝ անձնական սպառնալիքներ ուղղելով նրան: Իսկ թե ինչ տեղի կունենա մենամարտի ժամանակ, կարող եք հետեւել ուղիղ հեռարձակմամբ այս հղումով՝ fightplanet.tv:

ՀՐԱՆՏ ՍԱՐԱՖՅԱՆ

Այս թեմայով «Հրապարակ»․ Ինչ ճակատագր է սպասում Էդգար Ղազարյանին 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Մեծ Բրիտանիան ներկա տեսքով կարո՞ղ է աշխարհի քարտեզներից վերանալ «Ժողովուրդ». ՔՊ-ի ողջ թիմը պայքարում է Էդգար Ղազարյանի դեմ Առաջարկում եմ Վարդան Ղուկասյանին ազատեք տնային կալանքից, թող գա, պատասխանի ձեր հարցերին. Մխիթարյան