Աշխարհն ունի կանանց նվիրված մեկ տոն, իսկ Հրանուշ Հակոբյանի համառ ջանքերի շնորհիվ՝ Հայաստանը՝ երկու. Խուրշուդյան

«Բոլորը գիտեն, որ մարտի 8-ին ես անձամբ շնորհավորում եմ իմ կյանքի կարեւոր երկու կնոջ՝ մորս եւ Հայաստանում մարտի 8-ը օրենքի ուժով տոն դարձրած հայ քաղաքական կյանքի երկաթե լեդիին՝ Հրանուշ Հակոբյանին…

Այս անգամ ցանկանում եմ մարտի 8-ը Հայաստանում տոն դարձնելու հետաքրքիր պատմությունը պատմել. Եվ այսպես, նորանկախ Հայաստանի իշխող կուսակցությունը՝ ՀՀՇ-ն իր պատգամավորներով 1995 թվականի առաջին գումարման Ազգային Ժողովում որոշում են հանել մարտի 8-ը տոնացույցից՝ համարելով այն որպես Սովետական տոն եւ փոխարենը նշել ապրիլի 7-ը, ապրիլի 7-ն էլ ընդունվեց Հրանուշ Հակոբյանի համառ ջանքերի շնորհիվ (1991 թվականից արդեն մարտի 8-ը չէր նշվում, համարվում էր սովետական մնացուկ)… Այս փոփոխություններին կտրուկ դեմ էր պատգամավոր Հրանուշ Հակոբյանը… Օրենքն ընդունվում է եւ 1996 թվականից Մայրության եւ գեղեցկության տոնը նշվում է ապրիլի 7-ին… Միայն 6 տարի անց 2001 թվականին՝ 2-րդ գումարման Ազգային Ժողովում մարտի 8-ը կրկին իր տեղն ունեցավ հայկական տոնացույցում։ Օրենքի նախագծի հեղինակը պատգամավոր, հետագայում Սփյուռքի նախարարության հիմնադիր նախարար Հրանուշ Հակոբյանն էր, ի դեպ, քվեարկությունն ու օրենքի ընդունման քննարկումներն իրենց հերթին առանձին ներկայացնելու պատմություններ են…

Այսպիսով աշխարհն ունենում է կանանց նվիրված մեկ տոն, իսկ Հայաստանը՝ երկու… Ի դեպ, «կանանց միամսյակ» տերմինը նույնպես տիկին Հակոբյանի շնորհիվ իր ընկալումն ունեցավ հանրության շրջանում։ Շնորհավոր եւ շնորհակալություն տիկին Հակոբյան, Ձեր նախաձեռնած եւ կյանքի կոչված տոնը տասնամյակներ շարունակ սիրո, ընտանեկան, նվիրումի եւ միմյանց հանդեպ փոխադարձ հարգանքի խորհրդանիշ է։ Ձեր կողմից ստեղծած հարյուրավոր օրենքների կողքին մարտի 8-ն առանձնանում է իր ձեւի, օրենքի տառին համապատասխան եւ անխափան գործելու բովանդակությամբ, քանի որ չեմ տեսել դեռեւս այդքան համարձակ տղամարդ, որ այն անտեսի ու մնա անպատիժ… Թող մեր կյանքում հանդիպած տոներն ու իրադարձությունները կրկին գույն առնեն եւ մեր մայրերն այլեւս արցունք չտեսնեն…Հավիտյանս հավիտենից...», - գրել է ՀՀ սփյուռքի նախարարության հիմնադիր Հրանուշ Հակոբյանի 2013-14 թթ.-ի մամուլի քարտուղար, հասարական գործիչ ՄԱՄԻԿՈՆ ԽՈՒՐՇՈՒԴՅԱՆԸ:

Այս թեմայով Այս պատմությամբ Աննան ազատվեց հայտարարագրեր լրացնելուց․ hzham.am ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել Ես որեւէ մեկը չեմ, որ կամ ճանաչեմ Ղրիմը, կամ չճանաչեմ․ Մամիկոն Ասլանյան Նիկոլական ՀՀ-ում նիկոլենց ամենամեծ թշնամին հիշողությունն է, ամենամեծ բարեկամը` հիշողության կորուստը․ Միհրան Հակոբյան Այսօր իր տարեդարձն է նշում մարդ, ով ներդաշնակ կերպով համադրում է առաջնորդության տեսլականը, սկզբունքային մոտեցումը և մարդկային բարձր արժեքները