«Ոսկե ձկնիկը», երկու Գարիկներն ու հումորային ռեփի հումորային անոնսը

«Ոսկե ձկնիկը» Գարիկ Մարտիրոսյանի հաջորդ ռեփ-կատարումը կլինի «Սուսո WTF»-ից հետո, որի պրեմիերան երկու շաբաթ առաջ էր: Նոր աշխատանքի անոնսը շոումենը հրապարակել է իր GarMOn նախագծի ինստագրամյան էջում:

Տեսանյութում Մարտիրոսյանը հետաքրքրվում է ռուս դերասան, հումորիստ Գարիկ Խառլամովից՝ որն է նրա սիրելի ռեփ-ստեղծագործությունը, «Ոսկե ձկնիկ»՝ հայերենով ասում է Խառլամովն ու նշում, որ զվարճալի երգ է, որից հետո նրանց միջեւ հայերեն կարճ զրույց է ծավալվում:

«Ո՞նց ես, ախպեր», - հարցնում է Խառլամովը, իսկ Մարտիրոսյանի նույն հարցին պատասխանում. «Ես ռուս եմ»:

«Գործ ենք անում, բայց մարդու չասեք»,- կատակում է հումորիստը, ապա հնչում է փոքրիկ հատված հումորային նոր երգից: «Հայեր, իրար մի կերեք: Դե, ախր շատ համով ազգ ենք, ո՞նց իրար չուտենք», - երգում է Գարիկը, իսկ երաժշտությունը հետաքրքիր միքս է Ռոբերտ Սահակյանցի «Կապույտ ծովում, սպիտակ փրփուրի մեջ...» («В синем море, в белой пене…») մուլտֆիլմից «Քամին ծովում» երգի հետ:

Իր վերջին հարցազրույցներից մեկում Մարտիրոսյանը պատմել է, որ նախորդ տարի մի ամբողջ ալբոմ են գրել Արման Փահլեւանյանի հետ, աշխատել են 3․33 խմբի Նարեկ Հովսեփյանի (A Chilla) եւ Ֆելիքս Խաչատրյանի հետ։ Գարիկի խոսքով՝ այն հումորային ռեփ է։

https://bravo.am/news/77300

Այս թեմայով Մենք այս պետությանը պետք չենք․ Անահիտ Մարտիրոսյան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Ստեղծվում է համակարգ, որը մի կողմից չի աշխատի, մյուս կողմից մարդկանց կդնի հերթական սահմանափակումների տակ. Սամվել Մարտիրոսյան Արցախը այլևս գոյություն չունի, հետևաբար Արցախի ԱԺ-ն էլ որևէ գործունեություն իրականացնելու իրավունք չունի, միանգամայն հիմնավոր չէ