Իմ արարքը բացառապես հայ տղամարդու, թասիբով հայի արաք է. Արամ Նիկոլյանը տեսաուղերձ է հրապարակել

Ինչպես արդեն նշել էինք, Մարզահամերգային համալիրում ծանրամարտի Եվրոպայի առաջնության բացման արարողության դրոշների շքերթի ժամանակ Ադրբեջանի դրոշն այրած դիզայներ ԱՐԱՄ ՆԻԿՈԼՅԱՆՆ ազատ է արձակվել: Նա քիչ առաջ տեսաուղերձ է հրապարակել, որի բովանդակությունը ներկայացնում ենք ամբողջությամբ.

«Նախ շնորհակալ եմ բոլորին՝ իմ կողմից շատ անսպասելի այս մեծ արձագանքի համար: Ես ուզում եմ՝ այս պահին անել շատ կարեւոր հայտարարություն՝ իմ արարքի հետ կապված. այն բացառապես հայ տղամարդու, թասիբով հայի արաք է, որը երբեւիցե չի հարում ինչ-որ քաղաքական ուժի, ունի իր սեփական կարծիքը եւ իր տեսլականն՝ այս ամենի վերաբերյալ:

Իմ ցանկությունն է եղել բացառապես այն, որ ՀՀ մայրաքաղաքում չծածանվի Ադրբեջանի դրոշը եւ ամենակարեւորը, որ երբեք չմտածեն, թե հայերը սովորում են կամ փորձում են հարմարվել ինչ-որ իրավիճակների:

Ցավում եմ այն կարծիքների համար, ովքեր մտածում են, որ իմ արարքը կարող է անդրադառնալ վատ կերպով մեր սահմաններում կանգնած տղաների վրա: Լինելով ՀՀ քաղաքացի՝ աղոթում եմ այն տղաների համար, ովքեր պահում են իմ սահմանները: Ու եթե կան այդպիսի մարդիկ, ովքեր կարծում են, որ ես չպետք է դա անեի, որովհետեւ… Թող կարծեն իրենց տանը՝ զբաղվելով իրենց տան մեջ Ադրբեջանի դրոշը ծածանելով:

Շնորհակալ եմ այն հայերին, ովքեր կանգնած էին իմ մեջքի հետեւում՝ մինչեւ այս ուշ ժամը ոստիկանության դիմաց ու սատարում էին ինձ», - շեշտել է Արամ Նիկոլյանը:

ՀՐԱՆՏ ՍԱՐԱՖՅԱՆ

Այս թեմայով Ադրբեջանում հավատարմագրված դիվանագիտական կորպուսի ներկայացուցիչներն այցելել են Լեռնային Ղարաբաղ Ադրբեջանն ու Հայաստանը համաձայնության են եկել․ Բայրամով Նրան սոցիալապես սպանում են. Լեո Նիկոլյանի առողջական վիճակը ծանր է ՀՀ-ի ու Ադրբեջանի ընկերությունների միջև արդեն գործարքներ կան, կլինի հայտարարություն Ոչ ոք չէր սպասում․ Tigo-ն ու Rubi-ին տժժում են Արամ Ասատրյանի երգի տակ