Վարազդատ Լալայանը` Եվրոպայի փոխչեմպիոն, Սիմոն Մարտիրոսյանը` բրոնզե մեդալակիր

Երեւանում ավարտվեց ծանրամարտի  Եվրոպայի առաջնությունը:

Մրցումային վերջին օրը  մրցահարթակ էին դուրս եկել Սիմոն Մարտիրոսյանը և Վարազդատ Լալայանը (+109 կգ)։

Վարազդատ Լալայանը երկամարտի 462 կգ (212+250) արդյունքով նվաճեց արծաթե մեդալ, իսկ Սիմոնյան Մարտիրոսյանը 440 կգ (195+245) արդյունքով դարձավ բրոնզե մեդալակիր: Չեմպիոնի կոչումը նվաճեց Լաշա Տալախաձեն՝ 474 կգ (252+222):

Հրում վարժությունում Վարազդատ Լալայանը նախ բարձրացրեց 240 կգ, երկրորդ փորձից ֆիքսեց 250 կգ և նվաճեց փոքր արծաթե մեդալ: Սիմոն Մարտիրոսյանը հրեց 235 կգ, ապա 245 կգ, երրորդ մոտեցումից հրաժարվեց և այս վարժությունում նվաճեց փոքր բրոնզե մեդալ:

Պոկում վարժությունում Վարազդատ Լալայանը հաջողությամբ բարձրացրեց 205 կգ, ապա 212 կգ, սակայն 218 կգ չկարողացավ ֆիքսել գլխավերևում և նվաճեց փոքր արծաթե մեդալ:

Սիմոն Մարտիրոսյանը նախ հաջողությամբ պոկեց 190 կգ, ապա 195 կգ, սակայն չկարողացավ ֆիքսել 200 կգ և նվաճեց փոքր բրոնզե մեդալ: