Կանանց ներգրավվածությունը մեր բանակում պետք է իսկապես խթանվի. Հովհաննիսյան

Հայոց բանակի համալրումը կանանցով դրական է համարում ռազմական փորձագետ, թուրք-քրդական հարցերով մասնագետ ԿԱՐԵՆ ՀՈՎՀԱՆՆԻՍՅԱՆԸ: Ըստ նրա, հայ կինը պատրաստ է դրան:

— Հայաստանը աշխարհում այն եզակի պետություններից է, որտեղ կանայք մի քանի սերունդ իրար հետեւից պատերազմ են տեսել ու մասնակցել են ռազմական գործողությունների: Շատ են սիրում իսրայելական փորձը մեջտեղ բերել, այս անգամ ես քրդական փորձին հղում կանեմ` կանայք ընդգրկված են ոչ թե ոչ ակտիվ ծառայության, այսինքն՝ փաստաթղթային, գրասենյակային ծառայություն են իրականացնում, այլ ընդգրկված են ակտիվ ծառայության: Այսինքն՝ իրականացնում են մարտական հերթապահություն, մարտական գործողություններ: Այնպես որ, կանանց ծառայությունը եւ ներգրավվածությունը մեր բանակում պետք է իսկապես խթանվի եւ պետք է շատ ամուր հիմքերի վրա դրվի, ինչու չէ նաեւ ստեղծվի ստորաբաժանում, որտեղ կլինեն բացառապես կանայք:

Ս. ԱՍԱՏՐՅԱՆ