Շերոն Սթոունը զայրացած է, որ Քարդաշյանին դեր են վստահել սերիալում

Շերոն Սթոուին զայրացրել է այն հանգամանքը, որ Քիմ Քարդաշյանը նկարահանվելու է «Ամերիկյան սարսափ պատմություն» սերիալի «Նրբություն» (Delicate) խորագրով 12-րդ եթերաշրջանում:

65-ամյա Սթոունը կտրուկ է արձագանքել Քարդաշյանի դերասանական վարպետությանն ու եւս մեկ անգամ փաստել, որ թանկ է գնահատում իր մասնագիտությունը: Նա այն մարդկանց թվում է, որոնց դուր չի եկել մեծ կինոյում Քարդաշյանի հայտնվելը:

«Ոսկե գլոբուս»-ի հաղթող դերասանուհին նշել է, որ երկար է սովորել, որպեսզի իր մասնագիտության մեջ հաջողության հասնի. «Դերասանությունը գուցե գլխուղեղի վիրահատություն անել չէ, բայց թանկ ենք գնահատում մեր արվեստը: Մենք սովորել ենք, տառապել ու մինչեւ հիմա էլ տառապում ենք: 10 հազար ժամը մի բան նշանակում է»:

Նա նկատի է ունեցել Մալքոլմ Գլադուելի «Արտառոցները» գիրքը, որում հեղինակը պնդում է՝ 10 հազար ժամ պրակտիկան բավական է, որ ցանկացած ոլորտի տիրապետես:

https://bravo.am/news/77341