Վարդան Ղուկասյանին առաջադրված մեղադրանքին հումորով եմ վերաբերում. ունեմ ներքին համոզմունքը, որ այս քր. վարույթը ապագա չունի և ըստ էության հնարածին է. Հայտնի փաստաբանը փակագծեր է բացում

«Վարդան Ղուկասյանին առաջադրված մեղադրանքին հումորով եմ վերաբերում: Ունեմ ներքին համոզմունքը, որ  այս քր. վարույթը ապագա չունի և ըստ էության հնարածին է, սա իմ սուբյեկտիվ կարծիքն է, այ դրա համար ինչ է ասում պաշտպանը, ասում է` եկեք աշխաըենք, Դուք Ձեր փաստերը ներկայացրեք, մենք էլ փորձենք նախաքննությանը օգտակար լինենք վեր հանելու իրողությունները»,-«Իրավունք TV»-ի ուղիղ եթերի ընթացքում անդրադառնալով «Հանրային ձայն» կուսակցության պատվավոր նախագահ Վարդան Ղուկասյանի, խորհրդի նախագահ Արտակ Գալստյանի եւ Արման Մկրտումյանին վերաբերող քր, գործի մանրամասներին, ասաց «Լեւ Գրուպ» փաստաբանական ընկերության ղեկավար, աղմկահարույց գործերով հայտնի փաստաբան ԼԵՎՈՆ ԲԱՂԴԱՍԱՐՅԱՆԸ, ընդգծելով.

-Այս ամենը պետական անվտանգության հետ կապված լուրջ խնդիր է, որի կրողն ու պատասխանատուն պետք է լինի բարձր դուռը: ՀՀ անկախությունից ի վեր` բոլորը խոսել ու բարձրաձայնել են ընտրովի եւ փողոցային արդարադատության մասին։ Ցավոք, 90-ականներից մինչ այս պահն իրավապաշտպաններս առնչվում ենք որոշ գործերով ընտրովի կամ փողոցային արդարադատության։ Հաջորդ խնդիրը, որը կցանկանայի բարձրաձայնել, անձի քաղաքական, հասարակակական գործունեության պատճառով շինծու քրեական գործեր հարուցելն ու մեկուսացնելն է։

Տեսեք, ներկայացնեմ նույն գործով անցնող Արման Մկրտումյանի քրեական գործից ընդամենը մի դրվագ. 26-ամյա Արման Մկրտումյանը ՀՀ քաղաքացի է, ձերբակալվել ու կալանավորվել է, սակայն մինչեւ հիմա պաշտպան չունի։ Չլինելով իրավաբան վերջինս կալանավորման որոշումը չի բողոքարկել։ Այդ հարցով դիմել է նրա մայրը, իսկ մարդուն փաստաբան պետք է տրամադրվի պարտադիր, ինչը Սահմանադրության եւ ՄԻԵԴ որոշումների պահանջ է: Մինչդեռ քննիչի կողմից ստանում ենք գրավոր պատասխան, որտեղ նշված է, թե անձը հաստատող փաստաթուղթը կցված չի եղել գործին։ Մի՞թե հնարավոր չէր այս տեխնիկայի դարում զանգահարել եւ ասել, որ անձնագիրը ներկայացվի։ Պետք է նշեմ, որ Արման Մկրտումյանի նկատմամբ իրականացվում է հոգեբանական խոշտանգում, որի համար դիմում եմ մարդու իրավունքների պաշտպանին` տալու իրավական գնահատական քննչական կոմիտեի կողմից իրականացվող տոտալ անօրինականության համար։ Ինչպես նաեւ դիմել են Գլխավոր դատախազին` ճշտելու փաստերի իսկությունը, տալու ՀՀ Քննչական կոմիտեի պատասխանատու անձանց իրավաքրեական գնահատականը։ 

Փաստաբանը ընդգծում է.

-Մարդուն պետք է կանչել պատասխանատվության իր արածի համար, անկախ նրանից, թե ով է այդ անձը, բայց խոշտանգել եւ քաղաքական հաշվեհարդար տեսնելը կամ շինծու մեղադրանքներով մեկուսացնելը ուղղակի անթույլատրելի է: