«Ամեն մի կիսահայ կամ տգետ իրավունք չունի անգամ Կոմիտասի անունն արտաբերելու».ՄԱՎՐ ՄԿՐՏՉՅԱՆ

Վեր­ջերս Հան­րա­յին հե­ռուս­տա­ըն­կե­րու­թյան «Կեր­պա­րից դուրս» հա­ղորդ­մա­նը հյու­րըն­կալ­վել էր ա­մե­րի­կաբ­նակ եր­գիչ, ռե­փեր Սու­պեր Սա­քոն, որն անդ­րա­դառ­նա­լով հայ եր­գար­վես­տին` ա­րել էր սկան­դա­լա­յին հայ­տա­րա­րու­թյուն, թե` «Մու­ղա­մը մերն ա ե­ղել, Կո­մի­տա­սը ե­կել ջնջել ա էդ նո­տա­նե­րը», ին­չը բո­ղո­քի մեծ ա­լիք է բարձ­րաց­րել:  Ժո­ղովր­դա­կան եր­գիչ ՄԱՎՐ ՄԿՐՏՉՅԱՆՆ անդ­րա­դառ­նա­լով մեր հար­ցադր­մա­նը` Հան­րա­յի­նի ե­թե­րում Սու­պեր Սա­քո­յի կող­մից հնչեց­ված հայ­տա­րա­րու­թյան մա­սին` հար­ցով պա­տաս­խա­նեց:

— Իսկ ի՞նչ պետք է ա­սեմ, ու ընդ­հան­րա­պես ին­չո՞ւ պետք է էս­քան խոս­վեր ու տա­րած­վեր մի բան, ո­րը ոչ մի ար­ժեք չու­նի` ո՛չ ա­սո­ղը, ո՛չ էլ ա­սա­ծը: Մեր ի­րա­կա­նու­թյան մեջ նա մի­ա­կը չէ, որ այդ­պես  է մտա­ծում, ցա­վոք, ուղ­ղա­կի, մյուս­նե­րը վա­խե­նում են բարձ­րա­ձայ­նել: Խնդիրն այդ­քան ոչ թե ա­սո­ղի, այլ դա տա­րա­ծո­ղի մեջ է: Մեզ մոտ, ընդ­հան­րա­պես, որ­պես կա­նոն, վա­տը ակն­թար­թա­յին տա­րած­վում է, իսկ լա­վը մնում է ստվե­րում, այ­նինչ հա­կա­ռա­կը պետք է լի­ներ: Իսկ այս դեպ­քում մենք լի­քը օգ­նե­ցինք տվյալ խոսքն ա­սո­ղին իր ա­սա­ծը տեղ հասց­նե­լուն, ու հարց է դեռ` այդ ա­սող­ներն ով­քե՞ր են, հա՞յ են, ի՞նչ նպա­տա­կով են ներդր­ված հայ մշա­կույ­թի մեջ… Իսկ ինչ վե­րա­բեր­ում է մու­ղա­մին, դա նո­տա չէ, որ կար մեզ մոտ, ու Կո­մի­տասն էլ ջնջեց, դա ժանր է, ե­րաժշ­տա­կան մտա­ծո­ղու­թյուն, ո­րը ոչ մի կապ չու­նի մեզ հետ: Ու­րիշ բան, որ լա­դա­յին հա­մա­կար­գը ո­րոշ դեպ­քե­րում նույնն է, ու ընդ­հան­րա­պես ա­րե­ւե­լյան ե­րաժշ­տու­թյան մեջ կան ընդգծ­ված լա­դեր, ո­րոնց  վրա կա­ռուց­վում է տար­բեր ազ­գե­րի ե­րաժշ­տա­կան մտա­ծո­ղու­թյան ո­րո­շա­կի մաս, բայց սա չի նշա­նա­կում, որ բո­լո­րը նման են ի­րար կամ նույնն են: Այն­պես որ, ա­մեն մի կի­սա­հայ կամ տգետ ի­րա­վունք չու­նի Կո­մի­տա­սի ան­գամ ա­նունն ար­տա­բե­րե­լու: Խոսքս եր­կար ստաց­վեց, բայց սա ցա­վոտ թե­մա է, ու­րիշ կերպ չի ստաց­վում…

ՆՈՒ­ՆԵ ԶԱ­ՔԱ­ՐՅԱՆ

Այս թեմայով Շուտով կիմանաք, ով եմ ես եւ ինչ եմ ինձնից ներկայացնում. Վահագն Մկրտչյան Բեմը լողավազանում, տոմսերը` սառույցի մեջ. ամառվա վերջին շաբաթը թեժ էր Եթե ո՛չ ԲԴԽ-ն, ո՛չ ԱԱԾ-ն, ապա ո՞վ է Փաշինյանին «հուշում» «Մեծ հավատաքննիչի» կերպարով հանդես գալը ոչ թե ուժի, այլ խորքային տագնապի դրսեվորում է․ Հայր Վաչե Մենք Սոսի հետ վաղուց խոսացել ենք ու որևէ խնդիր իրար հետ չունենք. Մհեր Մկրտչյան