Օրակարգը լցրել են աղբով, մի 3 օր կտշեն, իրար հերթ չտալով դոզան բաց կթողեն ու մասսան նոր վակխանալիա կապրի. Արմեն Հովասափյան

Էսօր մեկնարկում է ԱԺ հերթական քառօրյան, գուցե ճակատագրի հեգնանք է, որ քառօրյան համընկնում է նման շրջադարձային փուլին և նախախանամություն, բայց ինչևէ։ Հիմի ուշադիր, թե ԱԺ քառօրյայի օրակարգում ինչ կարգի հարցեր են ներառված․ «Օրգանական գյուղատնտեսության մասին» օրենքում փոփոխություններ և լրացումներ կատարելու մասին հարց, «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ կատարելու մասին օրինագիծ, «Բույսերի սորտերի պահպանության մասին» օրենքում փոփոխություններ և լրացումներ կատարելու մասին հարց, «Կամավոր աշխատանքի մասին» հարց։

Առաջին տպավորությունս էնա, որ կարդում եմ Սուդանի, Կամբոջայի կամ ասնեք Ուրուգվայի խորհրդարանի օրակարգ՝ հայաստանյան ողբերգության հետ կապ չունեցող ոչ մի խնդիր։

Ջոգում եք, որ ցինիզմի մաստեր-կլասի այլ դրսևորում չկա։ Սրանք հստակ ասում են, որ թքած ունենք, թե ի՞նչ եք ասում, ի՞նչ կաշայի մեջ ենք, սենց աննորմալ գահավիժմամբ ո՞ւր կհասնենք, կամ, ընդհանրապես, պետականության հետ ի՞նչ կկատարվի՝ կլնի թե՞ չէ։

Օրակարգը լցրել են աղբով ու էսա մի 3 օր կտշեն, իրար հերթ չտալով դոզան բաց կթողեն ու մասսան նոր վակխանալիա կապրի։

Ցըըմփ։