«Կարծում եմ` ամենատպավորիչ ամառը նոր է սպասվում».ՄԱՐԻ ՄՍՐՅԱՆ-ԲԱԲԱԽԱՆՅԱՆ

«Իրավունքը» զրուցել է ամերիկաբնակ դերասանուհի, ռեժիսոր ՄԱՐԻ ՄՍՐՅԱՆ-ԲԱԲԱԽԱՆՅԱՆԻ հետ:

— Օրն ինչպե՞ս եք սկսում:

— Օրը սկսում եմ մի գավաթ ջրով, ապա շտապում եմ վայելելու իմ առավոտյան զբոսանքը: Իսկ մեկ ժամ անց՝ մեկ գավաթ սուրճ:

— ԱՄՆ-ում ավելի շատ հա՞յ, թե՞ օտարազգի ընկերուհիներ ունեք:

— Կարծում եմ՝ հավասար:

— Ամռանը մեկնելո՞ւ եք հանգստի:

— Անպայման, որովհետեւ ամառային հանգիստը, հատկապես ծովափնյա հանգիստը շատ կարևոր է՝ նոր լիցքեր հավաքելու եւ տարին պլանավորելու համար:

— Հայաստանը հիշելիս՝ ավելի շատ ի՞նչն եք կարոտում:

— Մայրիկիս եւ բոլոր ջերմ հիշողությունները, որ կապված են Հայաստանի հետ:

— Կա՞ մի վայր, որտեղ միշտ սիրում եք լինել:

— Այո, թոռնիկիս սենյակը:

— Ե՞րբ եք պատրաստվում այցելել Հայաստան:

— Եթե Աստված կամենա՝ աշնանը:

— Ի՞նչ նոր ծրագրեր ունեք:

— Հյուրախաղային շրջագայության ենք պատրաստվում ամուսնուս՝ Հովհաննես Բաբախանյանի հետ:

— Ամենատպավորիչ ամառը Ձեր կյանքում ե՞րբ է եղել:

— Կարծում եմ՝ ամենատպավորիչ ամառը նոր է սպասվում: Նախ, թոռնուհիս՝ Օլիվիան, դարձավ մեկ տարեկան, դուստրս՝ Էլլան, ավարտեց Հարվարդի համալսարանը, որդիս՝ Գոռը, պատրաստվում է պրեմիերայի ամերիկյան թատրոնում և ավարտում է նկարահանումները ամերիկյան ֆիլմում: Փեսաս`  Սարոն եւ աղջիկս` Լիան  այս ամառ կնշեն իրենց ամուսնության 5 ամյակը: Եվ, իհարկե, կնշենք ամուսնուս՝ Հովհաննես Բաբախանյանի 55-ամյա հոբելյանը:

ՆՈՒՆԵ ԶԱՔԱՐՅԱՆ

Այս թեմայով Մարի Պետրոսյանի նախկին ամուսինը ազատության մեջ է․ նա հաղորդում է ներկայացրել իրավապահներին՝ հայտնելով, թե կինն իրեն ծեծի է ենթարկել Դերասանուհի Մարի Պետրոսյանի ամուսնու խափանման միջոցը փոխվել է. Լուսանկար Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին Դերասանուհի Մարի Պետրոսյանը ցույց է տվել, թե ինչպես է ամուսնու կողմից ենթարկվել բռնության․ Լուսանկարներ Մահացել է նկարիչ Մարի Հովելյան Հակոբյանը