Ֆուտբոլի Հայաստանի հավաքականի հարձակվող, Մյոնխենգլադբախի «Բորուսիայի» նորեկ Հրանտ-Լեոն Ռանոսը խոսել է Բունդեսլիգա տեղափոխության, ազգային թիմի մարզական հավաքի և Հայաստանում անցկացրած ժամանակի մասին:
«Ես լավ մրցաշրջան անցկացրի Ռեգիոնալ լիգայում՝ «Բավարիայի» երկրորդ թիմում և երկու գոլ խփեցի Հայաստանի ազգային հավաքականի կազմում: Կարծում եմ, որ այդ պատճառով էլ Մյոնխենգլադբախի «Բորուսիան» սկսեց հետաքրքրվել ինձանով:
Նրանք ինձ նախկինում էլ էին ճանաչում: «Բորուսիայից» կապվեցին իմ գործակալի և մարզչի հետ, ամեն ինչ լավ ընթացավ: Նրանց կողմից լավ մտադրվածություն զգացի, հասկացա, որ ապագայի հիանալի ծրագրեր ունեն և ընդունեցի առաջարկը:
Հայաստանի հավաքականին առաջիկայում բարդ հանդիպումներ են սպասվում: Մենք ամեն օր պատրաստվում ենք, օրական երկու մարզում ենք անցկացնում, որպեսզի լավ խաղանք, միմյանց լավ հասկանանք, կարողանանք լավ հանդիպումներ անցկացնել և հաղթանակներ տանել մեր երկրի համար:
Տատիկս ապրում է Երևանում, այդ պատճառով էլ ես հավաքից մեկ շաբաթ առաջ եկա Հայաստան, և նա ինձ տարբեր վայրեր տարավ: Գնացինք Սևան, Խոր Վիրապ: Ինձ դուր է գալիս Հայաստանը, եղանակը, ուտելիքը մարդիկ, ամեն ինչ շատ ջերմ է և հիանալի»,- ասել է 19-ամյա ֆուտբոլիստը ՀՖՖ TV-ի հետ զրույցում:
1
31322 դիտում
2
11087 դիտում
3
2808 դիտում
4
1789 դիտում
5
1707 դիտում
