Մորգենշտերնի երեւանյան համերգը բոյկոտվեց, Պրուսիկինը՝ դեռ ոչ. սա է նրանց միակ տարբերությունը

Շատերը կհիշեն, որ դեռեւս նախորդ տարի հանրային բողոքի ալիք բարձրացավ, երբ ազգությամբ բաշկիր ռեփեր ԱԼԻՇԵՐ ՎԱԼԵԵՎԸ, որն առավել հայտնի է Մորգենշտերն անունով եւ դեռահասների ու երիտասարդների շրջանում անբարոյականության, թմրամոլության եւ հակաքրիստոնեական քարոզներով, մտադիր էր Երեւանում համերգ տալ: Այն, որ նա բացահայտ սատանիստ է եւ չի թաքցնում իր հակակրանքը քրիստոնեական արժեքների նկատմամբ՝ փաստում էին մի շարք հեղինակավոր մարդիկ, որոնց կոչերը տեղ հասավ եւ արդյունքում համերգը չեղարկվեց:

Այսպիսով՝ մեկ տարի անց, հաջորդ հակամշակութային «դիվերսիան» է կազմակերպվել հայ ունկնդիրների համար: Օգոստոսի 12-ին Հայաստանում համերգի է պատրաստվում գալ Little Big փանկ-փոփ-ռեյվ խումբը, որի մենակատարներից լեհ-հրեական արմատներով ԻԼՅԱ ՊՐՈՒՍԻԿԻՆՆ առնվազն իր արտաքին տեսքով Մորգենշտերնի երկվորյակ եղբայրը կարող էր լինել: Ըստ անոնսի, ֆրոնտմեններ Իլյա «Իլյիչ» Պրուսիկինը եւ Սոնյա Տայուրսկայան կներկայացնեն անմոռանալի շոու Երեւանում։ Նրանց ստեղծագործական հետագիծն ուսումնասիրելով՝ արդեն իսկ պարզ է դառնում, թե ինչպիսին պիտի լինի այդ շոու «ռիտուալը»: Սակայն, հանրության աչքն են մտցնում այն, որ նրանց տեսահոլովակներից մեկն ունի ահռելի դիտումներ, որի խայտառակ բովանդակության մասին Little Big-ի հիմնադիրն այսպես է արտահայտվում. «Այս տեսահոլովակում կարելի է տեսնել մարդկային գրավչության բոլոր տեսակները․ տեխնո բիթից մինչեւ մերկ մարմիններ ու համեմատություններ սեռական հարաբերությունների ու հաց ուտելու մեջ»:

Ուշագրավ է այն, որ խմբի ֆրոնտմեն Իլյա Պրուսիկինը Little Big-ի անհայրենիք, անբարոյական ու գլոբալիստական նպատակները չի էլ թաքցնում. «Մենք ուղղակի ուզում ենք ցույց տալ մարդկանց, որ նրանք են իրենց կյանքի տերը։ Երկրներն ու կառավարություններն այդքան էլ կարեւոր չեն, ինչքան նրանք մտածում են։ Մարդ կարող է անել այն, ինչ ուզում է»։

Ինչեւէ, վերադառնանք Մորգենշտերնին. նա ու Պրուսիկինը միայն արտաքին «սեւագիր» արած տեսքով չեն նման, այլ նաեւ հայացքներով՝ հոգեւոր ու քաղաքական: Ռուսական մի շարք լրատվական հարթակներ բազմիցս ընդգծել են, որ ինչպես Մորգենշտերնն, այնպես էլ Պրուսիկինը սատանիստ է: Ավելին՝ ռուս հավատացյալներին վրդովվեցրել էր այն, որ Սուրբծննդյան օրը վերջինս սքեյթպարկում բառիս բուն իմաստով ուղղափառ խաչ էր քշում: Նա հրապարակել էր իր լուսանկարն ու տեսանյութը՝ խաչի տեսքով սքեյթբորդով: Little Big-ը հայտնի է նաեւ ռուսների տարբեր ազգային կարծրատիպերը ծաղրելով, սակայն սա միակ հակառուսական դրսեւորումը չէ նրանց կողմից: ՌԴ արդարադատության նախարարությունը Little Big խմբի մենակատար Պրուսիկինին հայտարարել է օտարերկրյա գործակալ՝ Ուկրաինայում ՌԴ հատուկ գործողության ժամանակ իր դավաճանական դրսեւորումների համար: Ի դեպ, այս հարցում եւս Մորգենշտերնն ու Պրուսիկինն ունեն նմանություններ, որովհետեւ Մորգենշտերն էլ ՌԴ ներքին անվտանգության կողմից վտարվել էր երկրից:

Այսքանից հետո՝ առնվազն հարց է ծագում, թե ինչո՞ւ Մորգենշտերնի համերգը բոյկոտվեց, մինչդեռ նույնատիպ մեկ այլ անձ պատրաստվում է երեւանյան համերգի: Մի՞թե այն, ինչ չէր կարելի մեկ տարի առաջ, կարելի է մեկ տարի հետո: Եվ, ի վերջո, ինչպե՞ս է ստացվում է, որ Ռուսաստանի ներքին թշնամիները, հատկապես եթե սատանիստ են ու այլանդակ, մեկը մյուսի հետեւից հայտնվում են երեւանյան բեմերում:  

ՀՐԱՆՏ ՍԱՐԱՖՅԱՆ

Այս թեմայով Աշխարհահռչակ ռեփեր Future-ը «Ինստագրամ»-ում կիսվել է Նիկոլ Փաշինյանի տեսանյութով Ռեփեր Դիդին-ն դատապարտվեց 4 տարի 2 ամիս ազատազրկման Ռեփեր Սուպեր Սաքոն ԱԺ–ում է․ նա լուսանկարներ է հրապարակել Կեսգիշերին ռեփեր Սուպեր Սաքոն Մեքսիկայից շտապ տեղափոխվել է Երևան և սրտի ստենտավորման ենթարկվել Հայաստանը գլխավոր մրցանակներով է վերադարձել միջազգային հեղինակավոր մրցույթից