Բռնցքամարտի աշխարհի ու Եվրոպայի երիտասարդների առաջնությունների հաղթող Էրիկ Իսրայելյանը Ararat TV-ին տված հարցազրույցում խոսել է ՀՀ քաղաքացիթյունից հրաժարվելու իր հայտարարության եւ դրան հաջորդած իրադարձությունների մասին.
«Որոշ մարդկանց ազդեցության տակ էի: Ես էլ եմ սխալական, տաքացած էի: Դիմում եմ Հովհաննես Հովսեփյանին և Կարեն Գիլոյանին, որպեսզի ներողամիտ լինեն: Կարեն Գիլոյանն ինձ չի խաբել, ես եմ սխալ հասկացել: Ես էլ եմ մարդ, կարող եմ սխալվել: Խնդրում եմ, որ ինձ թույլ տան մասնակցել Բաքվում կայանալիք Եվրոպայի առաջնությանը: Խոսք եմ տալիս, որ նրանց հետ միասին Բաքվում կբարձրացնեմ Հայաստանի դրոշն ու բարձր կպահեմ մեր երկրի անունը»,- ասել է Էրիկ Իսրայելյանը:
Իսրայելյանը հավաստիացրել է որ իր զղջման պատճառը տարկետումից զրկվելը չէ.
«Որոշմանս պատճառն այն է, որ ես ցանկանում եմ Բաքվում մասնակցել Եվրոպայի առաջնությանը և ծածանել հայոց եռագույնը. ձեռքիցս չեմ ցանկանում բաց թողնել շանսը, քանի որ լավ մարզավիճակում եմ ու գիտեմ, որ կարող եմ դա անել»,- ասել է Էրիկ Իսրայելյանը:
Հիշեցնենք՝ Կառավարությունը հուլիսի 6-ի նիստում հավանության էր արժանացրել սպորտի բնագավառում ունեցած նշանակալի նվաճումների համար Էրիկ Իսրայելյանին տրված տարկետումը դադարեցնելու մասին որոշման նախագիծը:
Մանրամասները՝ տեսանյութում:
1
31332 դիտում
2
11097 դիտում
3
2830 դիտում
4
1789 դիտում
5
1707 դիտում
