«ԽՈՐՀՈՒՐԴ ԿՏԱՄ ԿՏՐՎԵՆ ՀԱՄԱԿԱՐԳՉԱՅԻՆ ԽԱՂԵՐԻՑ ՈՒ ԶԲԱՂՎԵՆ ՍՊՈՐՏՈՎ». ԱԶԱՏ ՈՃԻ ԸՄԲՇԱՄԱՐՏԻ ԵՎՐՈՊԱՅԻ, ԱՇԽԱՐՀԻ ՓՈԽՉԵՄՊԻՈՆ ՄՈՒՇԵՂ ՄԿՐՏՉՅԱՆ

Վերջերս Իսպանիայի Սանտիագո դե Կոմպոստելա քաղաքում կայացած ազատ ոճի ըմբշամարտի Եվրոպայի երիտասարդական առաջնության ժամանակ Հայաստանի ներկայացուցիչ, ծնունդով Շիրակի մարզի Ազատան գյուղից ՄՈՒՇԵՂ ՄԿՐՏՉՅԱՆԸ, 86 կգ քաշային կարգում դարձավ Եվրոպայի երիտասարդական փոխչեմպիոն ։Ափսոս, եզրափակչում հայ ըմբիշը 1-12 հաշվով պարտություն է կրել Ֆրանսիայի ներկայացուցիչ Ռախիմ Մագամադովից ։

Եվ ահա, Iravunk. com-ի մարզական թղթակցին հաջողվեց հանդիպել ու բացառիկ զրույց ունենալ արծաթե մեդալը նվաճած, Եվրոպայի երիտասարդների նորընծա փոխչեմպիոն, Երիտասարդների Աշխարհի փոխչեմպիոն, միջազգային կարգի սպորտի վարպետ ՄՈՒՇԵՂ ՄԿՐՏՉՅԱՆԻ հետ ։Նա այսպես մեկնաբանեց իր նվաճումը.

«Հանդես եկա 86 կգ քաշային կարգում։ Մեկնարկային գոտեմարտում 11-4 հաշվով հաղթեցի ազգությամբ հունգարացի մրցակցիս Պետեր Զիվնովսկիին, իսկ քառորդ եզրափակչում 3-3 հաշվով պարտության եմ մատնել Ադրբեջանի ներկայացուցիչ Թիմուր Գուլմագոմեդովին, դուրս գալով եզրափակիչ։ Այստեղ էլ հաղթեցի ուկրաինացի հակառակորդիս Իվան Չորնոհուզին 17-6 հաշվով։ Շատ մոտ էի ոսկե մեդալին, եթե եզրափակչում չպարտվեի Ֆրանսիայի ներկայացուցչին։ - Մուշեղ, իսկ ինչը խանգարեց? - Մրցակիցս բավականին ուժեղ, փորձառու մարզիկ էր, ավելի շատ պիտի պատրաստված լինեի, դրա համար էլ երևի չստացվեց նվաճել ոսկե մեդալը։ Սակայն ես չեմ հուսահատվում, ջանք ու եռանդ չեմ խնայի, որպեսզի հաջորդ անգամ ավելի լավ կարողանամ հանդես գալ ու նվաճել ոսկե մեդալը։

- Մուշեղ, 19 տարեկան ես, ինչ երազանքներ ունես։

- Երազանքս է նվաճել Օլիմպիական ոսկե մեդալը։

- Հետաքրքիր է, երբ սկսեցիր զբաղվել սպորտով։

- 7 տարեկանից եմ սկսել զբաղվել սպորտով, ըմբշամարտով, ինձ շատ հոգեհարազատ մարզաձև դարձավ, ու շատ սիրեցի այս մարզաձևը։ Անձնական մարզիչս Կարապետ Ենգոյանն է։ Իսկ Ձեր Ազատան գյուղի «Սևան» մարզադպրոցն ինչ վիճակում է։

- Խնդիրներ կան թե մարզական գույքի, թե շենքային պայմանների։

- Մուշեղ, իսկ ինչ խորհուրդ ունես պատանիներին։

- Խորհուրդ կտամ, կտրվեն համակարգչային այդ վնասակար խաղերից ու զբաղվեն սպորտով, լինեն ֆիզիկապես կոփված, ուժեղ, տոկուն, առողջ։ Մուշեղի անձնական մարզիչ ԿԱՐԱՊԵՏ ԵՆԳՈՅԱՆՆ էլ նշեց. «Մուշեղը իմ լավագույն սաներից է։ Արդեն 10 տարի է, ինչ ես նրա անձնական մարզիչն եմ։ Անկեղծ ասած, ես նրանից ոսկե մեդալի ակնկալիք ունեի, ափսոս, այդպես ստացվեց։ Սակայն, պետք է առաջ գնալ ու տքնաջան պարապել, որպեսզի հաջորդ առաջնությանը ավելի լավ լինի։ Մուշեղը ծառայության մեջ է, նա մարզական վաշտում է ծառայում, սակայն մրցաշարերի միշտ մասնակցում է։ Հաջորդը Աշխարհի առաջնությունն է լինելու։ Նա նաև Երիտասարդների Աշխարհի առաջնության փոխչեմպիոն է»։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ