Արցախի մեր քույրերն ու եղբայրներն ասում են` հաց չունենք, ՀՀ իշխանություններն ասում են` գնացեք, դա ասեք Բաքվին. Մամիջանյան

ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆԻ գնահատմամբ` միջազգային կառույցների օրեցօր չգործելու հետեւանքներն ավելի ահասարսուռ են դառնում:

— Հայաստանի իշխանություններից ակնկալիք չկա, որովհետեւ Հայաստանի իշխանություններն ասում են՝ Ստեփանակերտ, գնա Բաքվի հետ բանակցի, միեւնույն ժամանակ, ասում են, որ Արցախն Ադրբեջանի մաս է: Այլ կերպ ասած` Արցախի մեր քույրերն ու եղբայրներն ասում են` հաց չունենք, իսկ Հայաստանի իշխանություններն ասում են`գնացեք, դա ասեք Բաքվին: Բայց հայությունը երբեք չի հանդուրժի Արցախի հայտնվելն Ադրբեջանի կազմում: Այս պահին անհրաժեշտ է լուծել հումանիտար ճգնաժամը, որն արդեն դարձել է աղետ: Խնդրում եմ միջազգային կառույցներին գործել այսօր, այլապես ավելի ուշ մեր հաջորդ հավաքները կլինեն Արցախում հայերի նկատմամբ իրականացրած ցեղասպանության վերաբերյալ: Ես գիտեմ, որ այս պահին մենք միջազգային կառույցներից խնդրում ենք լինել ավելի հայրենասեր, ավելի հայասեր, քան Հայաստանի իշխանություններն են: Մենք այդ խնդիրը կշտկենք, մեր բաժին գործը կանենք, բայց դրա համար անհրաժեշտ է ժամանակ, որը Արցախի մեր քույրերն ու եղբայրները չունեն: Ուստի` ակնկալում ենք, որ միջազգային կառույցները գործուն աջակցություն կցուցաբերեն: Պարտադիր չէ, որ Ստեփանակերտի կենտրոնում սովամահ եղած հայերի դիակներ լինեն, դրանք հայտնվեն միջազգային պարբերականներում, ու նոր սկսեն գործել:

Այս թեմայով Քոչարյանը երեք մեսիջ հղեց Արեւմուտքին․ Հայկ Բաբուխանյան Քոչարյանն ամբողջությամբ մտավ հակառուսական դաշտ Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան ԹՐԻՓՓ-ը Ռուսաստանի դեմ ուղղված առճակատման նախագիծ է․ Հայկ Բաբուխանյան Մտորումներ Վալենտին Օսկոցկու եւ հայկական Ղարաբաղի կրկնվող ողբերգության մասին