Էդ գույքը ո՛չ մերն ա, ո՛չ իրենցն ա, մի հատ մաքրեն էդ դաշտը». վարչապետ

Կառավարությանն առընթեր պետգույքի կառավարման վարչության պետ Աշոտ Մարկոսյանը գործադիրին ներկայացրեց գույք ամրացնելու մասին որոշման նախագիծը:

Ըստ այդմ՝ Արմավիրի մարզ, Երասխահուն համայնք, Մեծ Ակադեմիյան թաղամաս հասցեում գտնվող 2066.6 քառ. մետր մակերեսով հանրակացարանային մասնաշենքը և 161 քառ. մետր մակերեսով վարչական շենքը՝ նվիրաբերության կարգով կտրամադրի այնտեղ բնակվող ընտանիքներին:

Հարցի առնչությամբ առարկություն ներկայացրեց Տարածքային կառավարման նախարարը: Դավիթ Լոքյանը տեղեկացրեց, որ ստուգել են և պարզել, որ բնակարանները հանձնվում են 18 տարին չլրացած քաղաքացիների:

«Ո՞նց թե 18 տարին չլրացած»,- զարմացավ վարչապետը:

Աշոտ Մարկոսյանը պարզաբանեց, որ բնակարանները հանձնվում են ոչ թե 18 տարեկան քաղացիներին, այլ այդ բնակարաններում ապրում են նաև անչափահաս երեխաներ:

Հարցին միջամտեց Պնախարար Վիգեն Սարգսյանը: Նրա խոսքով՝ ՊՆ-ի ծառայողական ֆոնդի հաշվեկշռում 1200 բնակարան կա, և կան դեպքեր, երբ նա, ում հատկացվել է բնակարանն, արդեն մահացել է:

«1200 ընտանիք օդից կախված են»,- ասաց Սարգսյանը և հավելեց, որ խնդրի լուծման առնչությամբ պատրաստվում են նախագիծ ներկայացնել:

Թեման շարունակեց վարչապետը: Նա հայտարարեց, որ պետք է տարածքները լեգալիզացնել և նոր էջ բացել. «Էդ գույքը ո՛չ մերն ա, ո՛չ իրենցն ա, մի հատ մաքրեն էդ դաշտը, մի հատ մաքրենք էդ ամեն ինչը, պրծնենք գնա»,- ասաց Կարապետյանը:

Այս թեմայով Քիչ առաջ ձերբակալել են նախկին վարչապետ Հովիկ Աբրահամյանի եղբորը․ ArmLur.am Նախկին վարչապետի ընտանիքը սգում է Հնդկաստանի վարչապետը հայտարարել է, որ ՄԱԿ-ի Անվտանգության խորհրդի բարեփոխումը դարձել է անհետաձգելի Վերջին 8 տարվա ընթացքում եղել են օրեր, երբ անիծել եմ այն օրը, երբ դարձա ՀՀ վարչապետ. Նիկոլ Փաշինյան Բրիտանիայում նորից խոսում են վարչապետ փոխելու մասին