Հայաստան, ես լավ նորություն եմ բերել ձեզ. Սնուփ Դոգ

Մշակութային 29 Հուլիս, 2023 2:06

Ինչպես արդեն տեղեկացրել էինք, սեպտեմբերի 23-ին իր առաջին հայաստանյան համերգը կունենա ամերիկացի ռեփեր Սնուփ Դոգը, ինչի մասին ավելի վաղ հայտարարել էր կառավարության աշխատակազմի ղեկավար Արայիկ Հարությունյանն՝ առանց անուն տալու ընդգծելով, որ Հայաստան է գալիս համաշխարհային մեծ աստղերից մեկը:

Սնուփ Դոգը, որը դեռեւս դպրոցական տարիներին «Crip» կոչվող գանգստերական խմբավորման անդամ է եղել, իսկ դպրոցն ավարտելուց կարճ ժամանակ անց՝ ձերբակալվել է ապօրինաբար կոկային պահելու մեղադրանքով եւ ենթարկվել կալանքի, ապա 1992 թվականին բանտից դուրս գալով՝ սկսել է երգել, ինսագրամյան իր էջում ուղերձով է հանդես եկել:

«Հայաստան, ես լավ նորություն եմ բերել ձեզ։ Շուտով կգամ ձեր գեղեցիկ քաղաք՝ Երեւան, որտեղ սեպտեմբերի 23-ին ելույթ կունենամ հատուկ շոուի ընթացքում»,-նշել է ռեփերը: Նա նաեւ հավելել է, որ տեղյակ է հայերի հյուրասիրության մասին եւ անհամբերությամբ է սպասում այս հանդիպմանը։

Նշենք, որ այս համերգի համար կառավարությունը հատկացրել է 23 միլիոն ԱՄՆ դոլարին համարժեք ՀՀ դրամ, ինչին անդրադառնալով «Հայրենիք» կուսակցության քաղխորհդրի անդամ ԱՐՍԵՆ ԲԱԲԱՅԱՆԸ գրել է. «23 միլիոն դոլարով, որը Նիկոլի իշխանությունը պետական գանձարանից պետք է հատկացնի համերգին, հնարավոր է Արցախից տեղահանված նվազագույնը 230 ընտանիքի ապահովել բնակարանով... Արցախ, դու կդիմանաս, կարեւորը մենք ստեղ մեգաաստղ ենք ընդունում: Հակահայկական իշխանություն... Սրիկաների իշխանություն»:

ՀՐԱՆՏ ՍԱՐԱՖՅԱՆ

Այս թեմայով

«Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը

Իշխանությունը ԵՄ անդամակցության հայտ ներկայացնելու մտադրություն չունի. Հարություն Հարությունյան

Հոգեբանական բարեկեցության ծրագիր ուսուցիչների համար. Լուսանկար

Դրա համար էլ 1725-ամյա եկեղեցին այս օրին է․ ԶԱՐՄԱՆՔ

Հազար հատ քիչ քյաբաբ բաժանեիք, 50+1 կունենայինք... Համակերպվեք մեր օրենքների հետ. Հարությունյան