Հրամանատարը 40 տղերքին տեղը տեղին ծախել է, իսկ նրանց թուրքին մատուցած գեներալը այսօր անմեղսունակ է ձեւանում․3 տարի անայտ կորած զինծառայողի մայրը մանրամասներ է ներկայացնում

Անհայտ կորած զինծառայողների ծնողները այդպես էլ չեն ստանում իրենց տանջող հարցերի պատասխանները, մասնավորապես 2020-ի հոկտեմբերի 21-ին Կովսականում (Զանգելան) 62 զինծառայողներով խմբի շրջափակման հանգամանքները։

Խումբը առավել հայտնի էր «Քիմիկների խումբ» անունով (ռադիացիոն, քիմիական, կենսաբանական պաշտպանության/ՌՔԿՊ), որի կազմում եղել են 62 զինծառայողներ։Թե իրականում, ինչպես են տղաները հայտնվել հայտնվել գրավված Կովսականում, ինչ հանգամանքներում է տեղի ունեցել գերեվարումը, ովքեր են տղաներին ուղարկել թշնամու բերանը հարցերի պատասխանները <<Իրավունքի>> հետ զրույցում բացահայտում է անհայտ կորած, երկու անչափահաս երեխաների հայր Հարությունի մայրը՝ Հռիփսիմե Խաչատրյանը․

-Գեներալ Անդրանիկ Մակարյանը այս խմբին հավաքել է Կապանի զորամասում ու հրահանգել «սանրել» Կովսական մտած 12-15 հոգանոց ադրբեջանական խմբին։ Սակայն արդեն նշված վայրում են 62 հայ զինծառայողները պարզել են, որ իրենց 500-ից ավելի ադրբեջանական խումբ է սպասում։

2020-ի հոկտեմբերի 20-ի առավոտյան «Քիմիկների» զորամասի հրամանատար, փոխգնդապետ այժմ ամբաստանյալ Արսեն Աբգարյանի ուղեկցությամբ, երեք ավտոբուսով այդ 62 զինծառայողները շարժվել են դեպի Կովսական։ Ժամը 07։00 սահմաններում խումբը հասնում է Կովսականի սկիզբ, սակայն տեղի դպրոցից 500-600 մետրի վրա հայտնվում է ադրբեջանական զինված ուժերի շրջափակման մեջ։ Տղերքս նկատելով աջ բլրի վրա հակառակորդի զինված խմբերին և դպրոցի վրա ադրբեջանական դրոշը՝ ավտոշարասյունը կանգնում է, զորամասի հրամանատարի տեղակալ մայոր Արմեն Բադեյանը տալիս է շրջանաձև պաշտպանության անցնելու հրաման, և անձնակազմը դիրքավորվում է շրջակայքում։ Աջ բլրից ադրբեջանական զինված ուժերը տարբեր տրամաչափի զինատեսակներից կրակ են բացել հայ զինծառայողների ուղղությամբ։ Հակառակորդը, ունենալով թվային և տեխնիկական միջոցների առավելություն, աստիճանաբար նրանց առել է օղակի մեջ։ Փաստացի, մարտի մեջ բռնված 62 հոգանոց անձնակազմից միայն 22 զինծառայողի է հաջողվել դուրս գալ, իսկ 40 զինծառայողներից 5-ը գերեվարվել են, մնացած 30-ից ավելին անհայտ կորած են համարվում։

Մինչեւ գնալը ռազվեդկան տղերքին է, թե այդ տարածքում մի քանի թուրք կա, պետք է գիշերով գնան, մաքրեն ու հետ գան։ Իրենք էլ գնացել են, բայց տեղ չհասած՝ ընկել են մսաղացի մեջ։ Հրամանատարն ու իր տեղակալները փախել են։ 

Անհայտ կորած զինծառայողի մոր խոսքերով․

-Կենդանի մնացած 22 զինծառայողներից մեկը հենց հրամանատարն է եղել՝ Արսեն Աբգարյանը, որն այժմ ամբաստանյալի աթոռին է։ Ու գիտեք ինչպես է փրկվել, ոչ թե հրաշքով, այլ պարզապես փախել է իր ծառայակիցներին թողել ծանր դրության մեջ թուրքի բերանում։ Արսեն Աբգարյանը 40 տղերքին տեղը տեղին ծախել է, նա հենց փախնողներից մեկն էր ու հիմա էլ պաշտոնի բարձրացում է ստացել։

Մյուս ամբաստանյալը զորամասի շտաբի պետ Սարգիս Կուլակչյանն է, ով ըստ մեղադրանքի, ժամանակավորապես կատարելով զորամասի հրամանատարի պարտականությունները, իր գործողություններով օժանդակել է զորամասի հրամանատար Արսեն Աբգարյանի կողմից պաշտոնական դիրքը չարաշահելուն: 

Կնոջ համար այդպես էլ պարզ չէ, թե ինչու են այլ մասնագիտությամբ մարդիկ ուղարկվել թեժ մարտերի կիզակետ․

-Նրանք քիմիկներ են, տիրապետում են քիմիական նյութերին, ոչ թե մարտական գործողություններին։ Բայց էդ Անդրանիկ Մակարյանի հրամանով տղերքը ուղարկվել են Կովսական, որտեղ 500-ից ավելի թուրք է եղել։ Մակարյանն էլ իր հերթին կապի մեջ է եղել ՊՆ-ից Վարդան Նշանյանի հետ, բայց էդ Նշանյանի անունը քրեական գործում չկա։ Տղերին թուրքին է մատուցած գեներալը այսօր անմեղսունակ է ձեւանում, իմ տղայիս երկու էրեխեքի վիզը ծուռ թողած գեներալ կոչեցյալը պիտի դատվի ամենախիստ պատժով։