Ուսանողուհիները գաղտնի տեսանկարահանել են մերկ համակուրսեցուհուն և հեռացվել

Հնդկաստանի Կարնատակա նահանգի Ուդուպի քաղաքում բժշկական քոլեջի ուսանողուհիները զուգարանում գաղտնի նկարահանել են մերկ համակուրսեցուհուն եւ հեռացվել: Այս մասին հայտնում է The Indian Express-ը։

Տուժողը՝ երկրորդ կուրսի ուսանողուհին, գնացել է քոլեջի զուգարան և որոշ ժամանակ անց հայտնաբերել է, որ իրեն հեռախոսով նկարահանել են։ Աղջկան տեսագրել են երեք համակուրսեցի աղջիկները։ Նրանք հայտարարել են, որ պատրաստվում էին կատակով տեսանյութ պատրաստել մեկ այլ աղջկա մասին, ներողություն են խնդրել և ջնջել տեսագրությունը:

Հաջորդ օրը տեղի ունեցածի մասին հայտնի է դարձել քոլեջի ղեկավարությանը։ Դրանից հետո ուսանողուհիներից առգրավել են հեռախոսները, իսկ միջադեպի մասին հայտնել են ոստիկանություն։

Հուլիսի 26-ին ուսանողուհիների նկատմամբ քրեական գործ է հարուցվել։ Նրանց մեղադրանք է առաջադրվել աղջկա մաքրաբարոյությունը վիրավորելու համար։ Բացի այդ, երեքն էլ հեռացվել են քոլեջից