Ինչու Արայիկը հերթական անգամ «թռավ» հրաժարական տալու խոստումից

Երեկ հետաքրքիր մտորումների տեղիք տվող հայտարարությամբ հանդես եկավ Ռուբեն Վարդանյանը՝ դիմելով Արցախի նախագահին: Նրա խոսքում կա մասնավորապես հետեւյալ միտքը. «Արայիկ, դուք խոսքը դարձրել եք ոչ մի բան: Շաբաթվա սկզբում դուք ասում եք, որ հրաժարական եք տալու ու ձեզ պետք չի համոզել, որոշել եք, դա առաջին անգամ չէր ու 8 հոգուց, որոնք ներկա էին հանդիպմանը, մի մասը ձեզ չէր հավատում, մի մասը ասում էր, որ կարող է էս անգամ ճիշտ է ասում եւ դա ցավալի է, որ առաջին մարդու խոսքը արդեն չունի արժեք: Բայց դուք ոչ միայն ձեր խոսքը չպահեցիք...»:

Ապա Վարդանյանը նաեւ հետեւյալը նշեց. «Էս վերջին շաբաթվա ընթացքում դուք անցաք ոչ միայն այն կարմիր գիծը, հարաբերությունը, որ կար ձեր հետ, այլ նաեւ ազգի հետ: Ինչ արեց աշխպարհազորը, որ ուժով մտավ Ազգային ժողով, դա անընդունել է, որովհետեւ դուք քանդում եք պետականությունը, որը կառուցվել է 30 տարի»:

Վարդանյանի այս վերջին միտքը հերթական անգամ հուշում է, թե իրականում ինչ սուր ներքին իրողություններ են ստեղծվել Արցախում: Ավելի կոնկրետ, ինչպես նաեւ մեր միանգամայն վստահելի արղբյուրներն են հայտնում, որ Արայիկն իր բոլոր հնարավորություններն ուղղել է Արցախն Ադրբեջանին ծախելու վրա, որ հետո կարողանա «թռնել»` հանգիստ իր «30 արծաթը» լափելու: Բայց նաեւ, կա ներքի շատ լուրջ դիմակայութություն, մեր աղբյուրի փոխանցմամբ` նաեւ ազատամարտի հին եւ առանցքանին մասնակիցների կողմից, որը լուրջ արգելակ է Արայիկի համար:

Արդյունքում, Արայիկը, ըստ աղբյուրի, ՄԱԿ ԱԽ վերջին նիստից առաջ էր նեղ շրջանակների առաջ խոստացել, որ եթե այդ նիստն էլ´ որեւէ բան չտա, ինքը կհեռանա, եւ հենց այդ մասին էլ խոսում է Վարդանյանը: Բայց, ինչպես Արայիկի հրաժարականի մասին վերջին լուրերի ֆոնին էինք տեղեկացրել, թեեւ նա ուրախությամբ այս պահին հրաժարական կտա եւ կփախչի Արցախից, սակայն Նիկոլն արգելում է: Ընդ որում, Արայիկը հասցրել է դուրս հանել իր փողերը, այդ թվում` արդեն իսկ տեղավորվել է հայաստանյան տնտեսական դաշտում, եւ եթե Նիկոլի հրահանգները չկատարի, պարզապես կկորցնի ունեցած-չունեցածը: Ըստ այդմ էլ, քանի դեռ դավաճանությունը մինչեւ վերջ չի հասցրել, չի կարողանում «թռնել»:

Իսկ Նիկոլի համար Արայիկի հեռանալը խնդիր է նրանով, որ այդ դեպքում իշխանության է գալու ՀՅԴ-ն, որը հստակ չէ, թե ինչ կուրս կվերցնի: Աղբյուրը ներկայացմամբ,մ թեեւ ՀՅԴ-ի արեւմտյան թեւը խոսում է ամերիկյան սցենարների կատարման անհրաժեշտության մասին, սակայն այդ թեւում միատարություն չկա: Բացի այդ, հայտնի է, որ ՀՅԴ-ում կա նաեւ իրանական եւ անգամ ռուսական ուղղվածության թեւեր, որոնք այս պահին ներկուսակցական հարթակում ունեն բավակիանին ամուր դիրքեր: Արդյունքում, Նիկոլի համար ՀՅԴ-ն մնում է ռիսկային, ուստի` Արայիկը «թռնել» չի կարողանում:

Սակայն այսքանով ամեն բան չի սպառվում: Բանն այն է, որ Արայիկն այս պահին իրոք լուրջ խնդիր ունի: Մեկը մյուսի հետեւից, ինչպես եւ պետք է լիներ, ձախողվեցին այն բոլոր խեղկատակային քայլերը, որոնք նա անվանում էր բլոկադան հաղթահարելու գործողություններ, թեեւ իրականում ժամանակ ձգելու միջոցներ էին: Հիմա, եթե նա մնում է, ապա պետք է նաեւ պատասխանի հարցին` իսկ ի՞նչ է հիմա պատրաստվում անել: Նոր խեղկատակություններ, կրկնում ենք, արդեն դժվար է առաջարկել, ու նա հիմա, ինչպես քանիցս ենք ասել, ուղիղ կերպով կանգնած է հայտնի երկընտրանքի առաջ` ծնկի գալ Ալիեւի առաջ կամ դիմել ռուսներին` օգնության խնդրանքով: Հենց այդ որոշումից խուսափելու համար էր փորձում «թռնել», չստացվեց, ու հիմա ստիպված է ինչ-որ բան անել: