Ես նպատակ ունեմ՝ ԱՄԱՆՈՐՆ ԱՐՑԱԽՈՒՄ. Արտակ Առաքելյան

Դատելով երեկ Ազատության հրապարակում ներկա մարդկանց քանակից ու որակից, դրան գումարած բոլոր էն մարդկանց աջակցությունը ովքեր երեկ տարբեր պատճառներով չկարողացան ներկա գտնվել հանրահավաքին, բայց ինձանից պակաս հայրենասեր չեն և չեն հաշտվում կզած ազգ մնալու մտքի հետ, վստահ եմ, որ լուսաբացը մոտ է։

Մի ընդունված միտք կա.

Ամենամութ պահերը լինում են լուսաբացից առաջ։

Ինչպես նաև մեկ այլ ճշմարտություն վկայում է, որ կյանքը սինուսոիդ է. Ես հավատում եմ, որ շուտով ազգային զարթոնք լինելու է և անցյալի փորձով ու ապագայի տեսլականով երկիր ենք ժառանգելու մեր երեխաներին։

Ինձ շատերն են հարցնում, թե չեմ հետապնդվում արդյոք իմ հայացքների համար.

Պատասխանում եմ.

Ես իմ հայրենիքի մի ողջ հատված եմ կորցրել, ոչինչ կորցնելուց չեմ վախենում՝ այդ թվում և կյանքս...

Որովհետև ապրել հասկանում եմ լինել արժանապատիվ, ճշտախոս, քաջ, պայքարող, գործող, արարարող...

Ես իմ համար ապրելու բանաձև եմ ընտրել.

Դու արա այն, ինչ պիտի անես ու թող լինի այն ինչ լինելու է։

Իսկ մարդ անում է այն, ինչ նրան ընտանիքը, դպրոցը, միջավայրը սովորեցրել է։ Ես համոզված եմ՝ ազգիս քնած գենն արթնացել է, մնացածը ժամանակի և տեխնիկայի հարց է։

ՀԳ

Ես նպատակ ունեմ՝

ԱՄԱՆՈՐՆ ԱՐՑԱԽՈՒՄ։